- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
فىلىپپىن پىرېزىدېنتى جەنۇبىي دېڭىز ھەققىدە ئاگاھلاندۇردى
فىلىپپىن پىرېزىدېنتى فېردىناند ماركوس جەنۇبىي خىتاي دېڭىزىدا فىلىپپىن بىلەن رايوندىكى ھەق تەلەپ قىلىۋاتقان دۆلەتلەر ئوتتۇرىسىدىكى كېلىشەلمەسلىك مەسىلىسى ھەققىدە توختىلىپ، رايوندا ھەق تەلەپ مەسىلىسىدە ئىختىلاپ قىلىشىۋاتقان دۆلەتلەر ئوتتۇرىسىدا كېلىپ چىقىدىغان ئۇرۇشنىڭ ئېغىر ئاقىۋەت ئېلىپ كېلىدىغانلىقى ھەققىدە ئاگاھلاندۇردى.
ت ر ت خەۋەر قانىلىنىڭ بۈگۈنكى خەۋىرىدە بىلدۈرۈلۈشىچە، ماركوس شىۋىتسارىيەنىڭ داۋوس شەھىرىدە ئۆتكۈزۈلگەن دۇنيا ئىقتىساد مۇنبىرى (WEF) دىكى تالاش-تارتىشنىڭ تېمىسى بولغان جەنۇبىي خىتاي دېڭىزى ھەققىدە توختالغان.
ماركوس رايوندىكى تالاش-تارتىش ئىچىدىكى دۆلەتلەر ئوتتۇرىسىدىكى توقۇنۇشنىڭ ئېغىر ئاقىۋەتلەرنى كەلتۈرۈپ چىقىرىدىغانلىقىنى ئاگاھلاندۇرۇپ، بۇ مەسىلىنىڭ جىددىي بىئارام قىلىۋاتقانلىقىنى بىلدۈرگەن.
ماركوس ھەربىي ئارىلىشىشنىڭ توقۇنۇشنى ھەل قىلىشتىكى تاللاشلارنىڭ ئىچىدە ئەمەسلىكىنى ۋە كەسكىنلىشىۋاتقان جىددىيلىكنىڭ سودىغا پاسسىپ تەسىر كۆرسىتىدىغانلىقىنى تىلغا ئېلىپ: «بىزنىڭ خىتاي بىلەن زىددىيەتلىك تەلەپلىرىمىز يوق، خىتاينىڭ بىزنىڭ زېمىنىمىزدا تەلىپى بار» دېگەن.
ئۇ ئۆزىنىڭ بۇ مەسىلىنى شى جىنپىڭ بىلەن مۇزاكىرە قىلغانلىقىنى، ئەمما قىسقا ۋاقىت ئىچىدە ھەل قىلىش چارىسىدە چوڭ ئىلگىرىلەشلەرنىڭ بولمايدىغانلىقىنى ئىپادىلىگەن ۋە خىتاي-تەيۋەن ئارىسىدىكى جىددىيلىكنىڭ فىلىپپىننىڭ رايوندىكى جۇغراپىيىلىك ئورنى سەۋەبلىك فىلىپپىنغىمۇ تەسىر كۆرسىتىدىغانلىقىنى تىلغا ئېلىپ: «بىز ئالدىنقى سەپتە تۇرۇۋاتىمىز، ئەگەر بۇ يەردە بىرەر ئىش يۈز بەرسە، بىز ئازابلىنىمىز» دېگەن.
ماركوس ئۇكرائىنا ئۇرۇشىنىڭ ئۇنىڭ دۆلىتى ۋە دېھقانچىلىق ئىشلىرىغا تەسىر كۆرسەتكەنلىكىدىن ھەيران قالغانلىقىنى ئىپادىلەپ، جەنۇبىي خىتاي دېڭىزىدىكى توقۇنۇشنىڭ پۈتكۈل دۇنيا ئۈچۈن ئاپەت خاراكتېرلىك بولىدىغانلىقىنى ئوتتۇرىغا قويغان.
يېقىندىن بۇيان بۇ رايوندا جىددىيلىك كۈنسېرى كۈچىيىۋاتقان بولۇپ، فىلىپپىن 2022-يىلى ئىچىدىلا خىتايغا تەخمىنەن 200 قېتىم نارازىلىق بىلدۈرگەن.
تەييارلىغۇچى: ئى. ئۆتكۈر