- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
ياۋرو-ئاسىيا گۇرۇھى: شى جىنپىڭ 2023-يىلى يەرشارىدىكى ئەڭ چوڭ سىياسىي خەتەر
ئامېرىكىدىكى سىياسىي خەتەردىن مەسلىھەت بېرىش شىركىتى ياۋرو-ئاسىيا گۇرۇھىنىڭ قارىشىچە، خىتاي رەئىسى شى جىنپىڭ ھوقۇقنى ئەڭ زور دەرىجىدە مەركەزلەشتۈرگەن بولۇپ، ئۇ بۇ يىل دۇنيادىكى ئىككىنچى چوڭ سىياسىي خەتەرنى تەشكىل قىلىدىكەن.
ئامېرىكا ئاۋازىنىڭ خەۋىرىدە بىلدۈرۈلۈشىچە، ياۋرو-ئاسىيا گۇرۇھى 3-يانۋار ئېلان قىلغان 2023-يىللىق دۇنيادىكى 10 چوڭ سىياسىي خەتەرنى ئالدىن مۆلچەرلىشىچە، شى جىنپىڭنىڭ سىياسەت كۈنتەرتىپىنى يولغا قويۇش ۋە ئىلگىرى سۈرۈشتە ھېچقانداق توسالغۇ يوق ئىكەن. ئۇنىڭغا قارشى پىكىردىكى كىشى بولمىغاچقا، شى جىنپىڭنىڭ ھەرۋاقىت خاتالىق سادىر قىلىشى مۇمكىن ئىكەن.
ياۋرو-ئاسىيا گۇرۇھىنىڭ رەئىسى ئىئان برېممېر (Ian Bremmer) دوكلات ئېلان قىلىش يىغىنىدا: «ماۋ زېدۇڭ دەۋرىدىن بۇيان ھېچكىم خىتايدا شى جىنپىڭغا ئوخشاش كۈچنى مەركەزلەشتۈرمىگەن، ھېچكىمنىڭ خىتايدا ئۇنچە كۆپ ھوقۇقى بولۇپ باقمىغان. شۇنىڭ بىلەن بىر ۋاقىتتا، خىتاي دۇنيا سەھنىسىدە ئىقتىساد ساھەسىدە مۇھىم ئورۇندا تۇرغانلىقى سەۋەبلىك، بۇ ئىككى تەرەپ بىرلىشىپ ناھايىتى چوڭ خەتەرنى شەكىللەندۈرىدۇ» دېگەن.
دوكلاتتا دېيىلىشىچە، خىتاينىڭ رۇسىيە بىلەن بولغان قويۇق مۇناسىۋىتى، بولۇپمۇ خىتاينىڭ رۇسىيەنىڭ ئۇكرائىناغا تاجاۋۇز قىلىش قىلمىشىغا تۇتقان پوزىتسىيەسى خىتاينىڭ دۇنيادىكى باشقا ئاساسلىق دۆلەتلەر بىلەن بولغان مۇناسىۋىتىگە داۋاملىق پاسسىپ تەسىر كۆرسىتىدىغان بولۇپ، بۇ نۇقتىدىن خىتاي دۇنيانىڭ تىنچلىقى ۋە مۇقىملىقىغا تەھدىت دەپ قارالماقتا.
تەييارلىغۇچى: ئابدۇخەبەر رەجەپ