- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
ئەسەنيۇرتتا شەرقىي تۈركىستاننىڭ نۆۋەتتىكى ئەھۋالى تونۇشتۇرۇلدى
1- يانۋار ئىستانبۇلنىڭ ئەسەنيۇرت رايونىدا شەرقىي تۈكىستاننىڭ نۆۋەتتىكى ۋەزىيىتى تونۇشتۇرۇلدى.
ئىنسانىي ياردەم ۋەقفىنىڭ (IHH) ئەسەنيۇرتتىكى شۆبىسى «ئۇنتۇلغان جۇغراپىيە شەرقىي تۈركىستان» ناملىق پائالىيەت تەشكىللىگەن بولۇپ، پائالىيەتكە خەلقئارا شەرقىي تۈركىستان تەشكىلاتلار بىرلىكى رەئىسى ھىدايەتۇللاھ ئوغۇزخان بىلەن خەلقئارا كۆچمەنلەر ھوقۇقى جەمئىيىتىنىڭ رەئىسى ئادۋوكات ئابدۇللاھ رەسۇل دېمىر تەكلىپ قىلىنغان.
پائالىيەتتە خەلقئارا شەرقىي تۈركىستان تەشكىلاتلار بىرلىكى رەئىسى ھىدايەتۇللاھ ئوغۇزخان سۆز قىلىپ، ئالدى بىلەن شەرقىي تۈركىستاننىڭ تارىخىنى قىسقىچە تونۇشتۇرغان. ئارقىدىن خەلقئارا جەمئىيەتنىڭ خىتاينىڭ شەرقىي تۈركىستاندىكى جىنايەتلىرىنى ئەيىبلىشىگە قارىماي، خىتاي رېجىمىنىڭ جىنايى قىلمىشلىرىنى داۋام قىلىپ كېلىۋاتقانلىقىنى، بولۇپمۇ خىتاينىڭ شەرقىي تۈركىستان خەلقىنى قىرغىن قىلىپ يوقىتىش نىيىتىدىن تېخىچە قايتمىغانلىقىنى، خىتاي ئۆلكىلىرىدە ئەمەلدىن قالدۇرۇلغان ئاتالمىش «ئايرىپ قاماش مەركەزلىرى»نىڭ شەرقىي تۈركىستاندا ھېلىھەم داۋام قىلىۋاتقانلىقىنى بىلدۈرگەن.
ئارقىدىن خەلقئارا كۆچمەنلەر ھوقۇقى جەمئىيىتىنىڭ رەئىسى ئابدۇللاھ رەسۇل دېمىر ئەپەندى سۆز قىلىپ، خىتاينىڭ 2016-يىلىدىن بېرى نەچچە مىليون شەرقىي تۈركىستان خەلقىنى جازا لاگېرىغا سولاپ قىرغىن قىلغانلىقىنى، مەجبۇرىي ئەمگەككە سالغانلىقىنى، خىتاينىڭ ئىنسانىيەتكە قارشى جىنايى قىلمىشلىرىنىڭ داۋام قىلىۋاتقانلىقىنى بىلدۈرگەن.
تەييارلىغۇچى: ئابدۇخەبەر رەجەپ