- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
قىرغىزىستان بىلەن ئۆزبېكىستان چېگرا بېكىتىش تەرتىپىنى تاماملىدى
قىرغىزىستان دۆلەتلىك ئاخبارات ئاگېنتلىقىنىڭ خەۋەر قىلىشىچە، شۇ جاي ۋاقتى 29- دېكابىر قىرغىزىستان پىرېزىدېنتى جاپاروف قىرغىزىستان بىلەن ئۆزبېكىستاننىڭ چېگرا بېكىتىش تەرتىپىنى تاماملاپ بولغانلىقىنى بىلدۈرگەن لېكىن ئىككى دۆلەتنىڭ قانداق ھۆججەت ئىمزالايدىغانلىقىنى ئاشكارىلىمىغان.
پىرېزدېنت جاپاروف يەنە: «بىز قىرغىزىستان-ئۆزبېكىستان چېگرا مەسىلىسىنى مۇۋاپىق ھەل قىلىشتەك تارىخى بۇرچنى زىممىمىزگە ئالدۇق. مەن ئىككى دۆلەت پىرېزىدېنتلىرىنىڭ بۈگۈنكى يىغىن نەتىجىسىگە ئاساسەن يېقىن كەلگۈسىدە قىرغىزىستان-ئۆزبېكىستان دۆلەت چېگراسىنىڭ قالغان قىسمىغا مۇناسىۋەتلىك شەرتنامە لايىھەسىگە ئىمزا قويۇشنى ئۈمىد قىلىمەن» دېگەن.
ئۇ سۆزىدە قىرغىزىستان بىلەن ئۆزبېكىستاننىڭ يېقىن قوشنا، ھەقىقىي دوست ۋە ئىشەنچلىك ئىستراتېگىيەلىك شېرىك ئىكەنلىكىنى، قىرغىزىستاننىڭ ئۆزبېكىستان بىلەن بولغان سىياسىي، ئىقتىسادىي، سودا، مەبلەغ سېلىش، قاتناش، مەدەنىيەت ۋە ئىنسانپەرۋەرلىك قاتارلىق ئىككى تەرەپلىك مۇناسىۋەتنى تېخىمۇ كېڭەيتىشكە تەييار ئىكەنلىكىنى بىلدۈرگەن.
ئۆزبېكىستان ۋەكىلى ئابدۇللا ئارىپوف بولسا ئۆزبېكىستاننىڭ قىرغىزىستان-ئۆزبېكىستان دۆلەت چېگراسىنى ئايرىش ۋە بېكىتىش كېلىشىمى لايىھەسىنى كېڭىشىشنى تولۇق قارار قىلغانلىقىنى بىلدۈرگەن.
قىرغىزىستان-ئۆزبېكىستان دۆلەت چېگراسى 1300 كىلومېتىردىن ئاشىدىغان بولۇپ، ئىككى دۆلەت مۇستەقىل بولغاندىن كېيىن، چېگرا تالاش-تارتىشىنى چۆرىدىگەن توقۇنۇش ئۈزۈلمىگەن. نۆۋەتتە ئىككى دۆلەت چېگراسىنىڭ بېكىتىلىشى كەلگۈسى مۇناسىۋەتنىڭ تەرەققىياتىغا ئاساس سالىدىكەن.
تەييارلىغۇچى: ئابدۇخەبەر رەجەپ