- خىتاي ئۇيغۇر پائالىيەتچىلىرىدىن ئۆچ ئالماقتا
- خىتاي خەلقئارانىڭ كۆزىنى بويايدىغان غايەت زور مەدەنىيەت سارىيىنىڭ يوپۇقىنى ئاچتى
- ئامېرىكا پالاتا ئەزالىرى خىتايغا قارشى ماھىيەتلىك قانۇن لايىھەسى سۇندى
- ئامېرىكا پارلامېنت ئەزالىرى ھۆكۈمەتنى خىتايدا قامالغان ئامېرىكىلىقلارنى قۇتقۇزۇشقا چاقىردى
- خىتاينىڭ «بىر بەلباغ، بىر يول» پىلانىنىڭ تۈركىيەگە زىيان كەلتۈرىدىغانلىقى تەكىتلەندى
- خىتايدىكى ياۋروپا شىركەتلىرى ئىستراتېگىيەسىنى ئۆزگەرتىشكە مەجبۇر بولماقتا
- ياپونىيە: خىتاي ئاۋىياماتكىسى تۇنجى قېتىم ياپونىيە تەۋەلىكىگە كىردى
- تاراتقۇلار: خىتاي رۇسىيەنىڭ ھەربىي تېخنىكىسىغا ئېرىشىشنىڭ تارىخىي پۇرسىتىگە ئېرىشتى
- خىتاي تەيۋەنگە قورال ساتقان توققۇز ئامېرىكا شىركىتىگە جازا يۈرگۈزدى
- لوندون ئۇنىۋېرسىتېتى پىروفېسسور راھىلە داۋۇتقا پەخرىي دوكتورلۇق ئۇنۋانى بەردى
خىتاي مەركىزىي تەشۋىقات بۆلۈمىنىڭ سابىق رەئىسىنى شەرقىي تۈركىستانغا ئورۇنلاشتۇردى
خىتاي رېجىمى ۋاڭ جيەنشىننى ئاتالمىش «ئۇيغۇر ئاپتونوم رايونلۇق» پارتىيە كومىتېتى دائىمىي كومىتېتىنىڭ ئەزالىقىغا تەيىنلىدى.
بېيجىڭ گېزىتنىڭ 31-دېكابىردىكى خەۋىرىدە بىلدۈرۈلۈشىچە، خىتاي كوممۇنىستىك پارتىيەسى مەركىزىي كومىتېتى ۋاڭ جيەنشىننى ئاتالمىش «ئۇيغۇر ئاپتونوم رايونلۇق» پارتىيە كومىتېتى ۋە دائىمىي كومىتېتىنىڭ ئەزالىقىغا تەيىنلىگەن.
ۋاڭ جيەنشىن 1972-يىلى خۇنەندە تۇغۇلغان بولۇپ، خىتاي خەلق ئۇنىۋېرسىتېتى ئاخبارات كەسپىنى پۈتتۈرگەن. ئۇ ئىلگىرى خىتاي مەركىزىي ئىنتىزام تەكشۈرۈش كومىتېتى تەشۋىقات بۆلۈمى ۋە دۆلەت نازارەتچىلىك كومىتېتىنىڭ باشلىقلىقىغا تەيىنلەنگەن بولۇپ، خىتاي كوممۇنىستىك پارتىيەسى ئىچىدە زور تەسىرگە ئىگە كوممۇنىستلارنىڭ بىرى ئىكەن.
ۋاڭ جيەنشىن يەنە خىتاي خەلق ئۇنىۋېرسىتېتىنى پۈتتۈرگەندىن كېيىن، خىتاي خەلق گېزىتىدە ئۇزۇن يىل ئىشلىگەن ۋە خەلق گېزىتى چۇڭچىڭ شۆبىسىنىڭ مۇدىرى بولغان.
كۆزەتكۈچىلەر خىتاي رېجىمىنىڭ نۆۋەتتە شەرقىي تۈركىستاندا شى جىنپىڭ ئىدىيەسىنى كۈچەپ تەشۋىق قىلىشقا باشلىغانلىقىنى، شەرقىي تۈركىستان خەلقىگە ئىجرا قىلىۋاتقان مېڭە يۇيۇش ۋە ئىرقىي قىرغىنچىلىق جىنايىتىنى تېخىمۇ كۈچەيتىش مەقسىتىدە، خىتاي مەركىزىي ئىنتىزام تەكشۈرۈش كومىتېتى تەشۋىقات بۆلۈمى ئەمەلدارى بولغان ۋاڭ جيەنشىننى شەرقىي تۈركىستانغا يۆتكىگەنلىكىنى بىلدۈرۈشمەكتە.
تەييارلىغۇچى: ئابدۇخەبەر رەجەپ