- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
ئادىلەيد شەھىرىدە باشلانغان پۇتبول مۇسابىقىسى مۇۋەپپەقىيەتلىك ئاخىرلاشتى
ئاۋسترالىيەنىڭ ئادىلەيد شەھىرىدە 25-دېكابىر باشلانغان «14-نۆۋەتلىك شەرقىي تۈركىستان پۇتبول لوڭقىسىنى تالىشىش مۇسابىقىسى» 26-دېكابىر كەچتە مۇۋەپپەقىيەتلىك ئاخىرلاشتى.
«شەرقىي تۈركىستان پۇتبول لوڭقىسىنى تالىشىش» دوستلۇق مۇسابىقىسى 25-دېكابىر باشلانغان بولۇپ، مۇسابىقىنى ئاۋسترالىيە شەرقىي تۈركىستان جەمئىيىتى تەشكىللىگەن. مۇسابىقىگە ئادىلەيد شەھىرى كوماندىسى، مىلبۇرن شەھىرى كوماندىسى، سىدنېي، بىرىزبت كوماندىسى قاتارلىق تۆت كوماندا قاتناشقان.
25-دېكابىر تاللاش مۇسابىقە تەشكىللەنگەن بولۇپ، 26-دېكابىر ھەل قىلغۇچ مۇسابىقە ئوينالغان. 26-دېكابىر ئۈچ مەيدان مۇسابىقە ئوينالغان بولۇپ، بىرىنچى مەيداندا مىلبۇرن كوماندىسى بىلەن بىرزبت كوماندىسى ئوينىغان. نەتىجىدە بىرزبت كوماندىسى 2 گە قارشى 6 نەتىجە بىلەن مىلبۇرن كوماندىسىنى يەڭگەن. ئىككىنچى مەيداندا سىدنېي كوماندىسى بىلەن مىلبۇرن كوماندىسى ئوينىغان. نەتىجىدە مىلبۇرن كوماندىسى 2 گە قارشى 6 نەتىجە بىلەن سىدنېي كوماندىسىنى يەڭگەن. ئاخىردا ئادىلەيد كوماندىسى بىلەن سىدنېي كوماندىسى ئوينىغان بولۇپ، ئادلەيد كوماندىسى 2 گە قارشى 9 نەتىجە بىلەن سىدنېي كوماندىسىنى يەڭگەن.
ئىككى كۈنلۈك مۇسابىقە 26-دېكابىر كەچتە مۇۋەپپەقىيەتلىك ئاخىرلاشقان. كوماندىلارنىڭ دەرىجىسى ئۇرغان توپنىڭ ئاز -كۆپلۈكىگە قاراپ بېكىتىلگەن. ھەل قىلغۇچ مۇسابىقىدە ئادىلەيد كوماندىسى 2 گە قارشى 9 نەتىجە بىلەن سىدنېي كوماندىسىنى يېڭىپ چېمپىيون بولغان. بىرزبت كوماندىسى ئۇرغان توپنىڭ سانىغا ئاساسەن ئىككىنچى بولغان. مىلبۇرن كوماندىسى ئۈچىنچى، سىدنېي كوماندىسى تۆتىنچى بولغان.
ئاۋسترالىيەدىكى شەرقىي تۈركىستان پۇتبول كۇلۇبى ئاۋسترالىيە شەرقىي تۈركىستان جەمئىيىتىگە تەۋە بولۇپ، نەچچە يىلدىن بېرى ئاۋسترالىيەدىكى ئۇيغۇر جامائىتىنىڭ قىزغىن ئاۋاز قوشۇشى بىلەن تۈرلۈك مۇسابىقە ۋە پائالىيەتلىرىنى داۋاملاشتۇرۇپ كەلمەكتە.
تەييارلىغۇچى: ئابدۇخەبەر رەجەپ