- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
ياۋروپا دۆلەتلىرى خىتاينىڭ «ساقچى پونكىتى» غا زەربە بېرىشى كېرەك
خىتاينىڭ چەتئەلدىكى «ساقچى پونكىتى» نى ئاشكارىلىغان كىشىلىك ھوقۇق تەشكىلاتى «مۇھاپىزەتچىلەر» نىڭ 15- دېكابىر ئېيتىشىچە، ياۋروپا ئىتتىپاقى خىتاينىڭ ئونلىغان مەخپىي «ساقچى پونكىتى» نىڭ ئۆز تېررىتورىيەسىگە كەلتۈرگەن تەھدىتىگە تاقابىل تۇرۇش ئۈچۈن بىرلىككە كەلگەن فىرونت تەشكىللىمىگەن.
خەۋەردە قەيت قىلىنىشىچە، ئىسپانىيەدە تۇرۇشلۇق ئاسىيا مەسىلىسىگە كۆڭۈل بۆلۈۋاتقان كىشىلىك ھوقۇق تەشكىلاتى «مۇھاپىزەتچى» بۇ يىل 9-ئايدىن باشلاپ ئىككى پارچە دوكلات ئېلان قىلىپ، خىتاي رېجىمىنىڭ 53 دۆلەتتە جەمئىي 102 «ساقچى پونكىتى» قۇرغانلىقىنى، بۇنىڭ ئىچىدە ئىتالىيەدە 11 ئورۇندا مەزكۇر ساقچى پونكىتى بارلىقىنى كۆرسەتكەن.
«مۇھاپىزەتچىلەر» نىڭ ئېيتىشىچە، كانادا، ئامېرىكا ۋە گوللاندىيەنى ئۆز ئىچىگە ئالغان بىر قانچە ھۆكۈمەت ئۇلارنىڭ دوكلاتىغا جاۋاب قايتۇرۇپ خىتاينىڭ مەزكۇر دۆلەتلەردە قۇرغان «ساقچى پونكىتى» نى تەكشۈرۈشكە باشلىغان، ئەمما ياۋروپا دۆلەتلىرى بۇ مەسىلىدە ئورتاق تىرىشچانلىق كۆرسەتمىگەن.
«مۇھاپىزەتچىلەر» نىڭ ھەرىكەت نازارەتچىسى لاۋرا خارت رىمدا ئۆتكۈزۈلگەن مۇخبىرلارنى كۈتۈۋېلىش يىغىنىدا، ئۇنىڭ تەشكىلاتىنىڭ خىتاي ھەققىدە تەييارلىغان دوكلاتىنى خىتاي تاراتقۇلىرى ۋە خىتاي كوممۇنىستىك پارتىيەسىنىڭ ئوچۇق كودلۇق سانلىق مەلۇماتلاردىن ئالغانلىقىنى ئېيتقان. ئۇ يەنە: «بىز بايقىغان خىتاي ھەققىدىكى ئۇچۇرلارنىڭ ھەممىسى توردا تاپقىلى بولىدىغان ئۇچۇرلارنى ئاساس قىلىدۇ» دېگەن.
«مۇھاپىزەتچىلەر» نىڭ قارىشىچە، خىتاي مەزكۇر تور بېكەتلەردىن پايدىلىنىپ، بىر قىسىم خىتاي پۇقرالىرىنى خىتايغا قايتۇرۇپ جىنايى جاۋابكارلىققا تارتىدىكەن. خىتاينىڭ بۇ خىل قىلمىشلىرى قانۇنسىز بولۇپ، ئۆكتىچىلەرنى نىشان قىلىدىكەن.
«مۇھاپىزەتچىلەر» نىڭ ئېيتىشىچە، خىتاي 2016-يىلدىن باشلاپ ئىتالىيەدە «ساقچى پونكىتى» نى يولغا قويغان، ئەمما ئالدىنقى ھەپتە ئىتالىيەنىڭ ئىچكى ئىشلار مىنىستىرى ماتتېئو پىئانتېدوسى نىڭ ئېيتىشىچە، ئىتالىيە ساقچىلىرى ئىتالىيەدە 11 ئەمەس پەقەت ئىككى «ساقچى پونكىتى» نى بايقىغانلىقىنى بىلدۈرگەن.
تەييارلىغۇچى: ئابدۇخەبەر رەجەپ