- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
ئامېرىكا كېڭەش پالاتاسى تىك توكنى چەكلەش قانۇنىنى ماقۇللىدى
ئامېرىكا كېڭەش پالاتاسى بىردەك ئاۋاز بىلەن ھۆكۈمەت خىزمەتچىلىرىنىڭ ھۆكۈمەت ئۈسكۈنىلىرىدە تىك توك ئەپ دېتالى ئىشلىتىشىنى چەكلەش ھەققىدىكى قانۇن لايىھەسىنى ماقۇللىدى.
ئامېرىكا ئاۋازىنىڭ خەۋىرىدە بىلدۈرۈلۈشىچە، ئامېرىكا كېڭەش پالاتاسى 14-دېكابىر بارلىق پالاتا ئەزالىرىنىڭ بىردەك قوللىشىغا ئېرىشكەن بىر قانۇن لايىھەسىنى ماقۇللىغان. مەزكۇر قانۇن لايىھەسىدە خىتاي ئىگىدارچىلىقىدىكى قىسقا سىن ھەمبەھرىلەش ئەپ دېتالى تىك توكنى ھۆكۈمەت ئۈسكۈنىلىرىدە ئىشلىتىشنى چەكلەش تەلەپ قىلىنغان.
خەۋەردە قەيت قىلىنىشىچە، بۇ قانۇن لايىھەسىنى ئوتتۇرىغا قويغۇچى جۇمھۇرىيەتچىلەر پارتىيەسىنىڭ كېڭەش پالاتا ئەزاسى جوش ھاۋلېي (Josh Hawley) بولۇپ، 2020-يىلى 8-ئايدا ئالدىنقى نۆۋەتلىك كېڭەش پالاتاسى بۇ قانۇن لايىھەسىنى بىردەك ئاۋاز بىلەن ماقۇللىغان. ھاۋلېي بۇ قېتىم بۇ تەكلىپ لايىھەسىنى قايتىدىن ئوتتۇرىغا قويغان.
بىلدۈرۈلۈشىچە، بۇ قانۇن پىرېزىدېنت جوۋ بايدېننىڭ ئىمزا قويۇشى ئۈچۈن ئەۋەتىشتىن بۇرۇن ئاۋام پالاتاسىنىڭ ماقۇللىقىدىن ئۆتۈشى كېرەك ئىكەن. بۇ نۆۋەتلىك ئاۋام پالاتاسىنىڭ ۋەزىپە ئۆتەش مۇددىتى كېلەر ھەپتە ئاخىرلىشىدىكەن. تىك توك خىتاي شىركىتى ئىگىدارچىلىقىدىكى ئىجتىمائىي ئالاقە سۇپىسى دوۋيىننىڭ چەت ئەل نۇسخىسى بولۇپ، ئۇ ئامېرىكىلىق ياشلار ئارىسىدا ئالقىشقا ئېرىشكەن. مەزكۇر ئەپ دېتالىنىڭ ئامېرىكىدىكى ئايلىق ئاكتىپ ئابۇنىتلىرى 80 مىليون ئىكەن.
مۇشۇ ھەپتىنىڭ بېشىدا بىر نەچچە پارلامېنت ئەزاسى تىك توكنىڭ ئامېرىكىدا تىجارەت قىلىشىنى چەكلەشنى پىلانلىغان قانۇن لايىھەسىنى ئوتتۇرىغا قويغان. پارلامېنت ئەزالىرىنىڭ ئېيتىشىچە، قانۇن لايىھەسى ئامېرىكىلىقلارنىڭ سانلىق مەلۇمات مەخپىيەتلىكىنىڭ خىتاينىڭ قولىغا چۈشۈپ كېتىشتىن قوغداشنى مەقسەت قىلىدىكەن.
بۇ قانۇن لايىھەسىگە ئاساسەن، تىك توكقا ئوخشاش بەزى چەت ئەل شىركەتلىرىنىڭ ھازىرقى ياكى كەلگۈسىدىكى ئىجتىمائىي ئالاقە شىركەتلىرىنى ئىشلىتىپ، ئامېرىكىلىقلارنى نازارەت قىلىش، ئامېرىكا خەلقنىڭ سەزگۈر سانلىق مەلۇماتلىرىغا ئېرىشىش ياكى تەشۋىقات ئۇچۇرلىرىنى تارقىتىش ۋە مەزمۇن تەكشۈرۈشىنىڭ ئالدى ئېلىنىدىكەن.
تەييارلىغۇچى: ئابدۇخەبەر رەجەپ