ئامېرىكا خىتاي ۋە شىمالىي كورىيەگە قارشى جەنۇبىي كورىيەدە يېڭى بازا قۇردى

خىتاي بىلەن شىمالىي كورىيەگە قارشى جەنۇبىي كورىيەدە «ئامېرىكا ئالەم ئارمىيەسى كورىيە قوماندانلىق ئورگىنى» قۇرۇلدى.

خىتاينىڭ تىنچ ئوكياندىكى ھەربىي تەسىرىنىڭ كۈچىيىشىگە ئەگىشىپ، ئامېرىكا شىمالىي كورىيەنىڭ يادرو ۋە باشقۇرۇلىدىغان بومبا تەھدىتى ئالدىدا رايون ئىتتىپاقلىقىنى كۈچەيتمەكتە. كورىيەنىڭ پايتەختى سېئۇلنىڭ جەنۇبىغا 65 كىلومىتىر كېلىدىغان پيوڭتاك رايونىدىكى ئوسان ھاۋا ئارمىيە بازىسىدا يېڭى قوماندانلىق ئورنى قۇرۇلدى.USFK قوماندانى پائۇل لاكامېرا مۇشۇ مەقسەتتە ئۆتكۈزۈلگەن مۇراسىمدا سۆز قىلىپ، يېڭى قوماندانلىق شتابىنىڭ ئامېرىكىنىڭ مۇداپىئە ئىقتىدارىنى ئاشۇرىدىغانلىقىنى ئېيتتى. «شىمالىي كورىيە يېرىم ئارىلى ۋە شەرقىي شىمالىي ئاسىيا بىخەتەرلىك ۋە تىنچلىققا كاپالەتلىك قىلىدۇ. ئامېرىكا ئالەم قاتنىشى قىسىملىرى جەنۇبىي كورىيە ئارقىلىق ئىتتىپاق ۋە كورىيەنىڭ مەشغۇلات ساھەسىدىكى نۇرغۇن ساھەگە تەسىر كۆرسىتەلەيدىغان ھەرىكەتلەرنى تېخىمۇ ياخشى ئېلىپ بارالايدۇ» دېدى.

ئامېرىكا ئالەم قاتنىشى قىسىمىنىڭ ھىندى-تىنچ ئوكيان قوماندانى بىرىگادا كوماندىرى گېنېرال ئانتونىي ماستالىر بۇ يېڭى قوماندانلىق ئىشتابى ئامېرىكىنىڭ ھىندى-تىنچ ئوكيان رايونىغا بەرگەن ۋەدىسىگە ۋەكىللىك قىلىدىغانلىقىنى بىلدۈرۈپ: «خىتاينىڭ تەھدىتىگە ئەگىشىپ، ھىندى-تىنچ ئوكيان مەسئۇلىيەت دائىرىسى بىزنىڭ ئەڭ مۇھىم ئىشىمىز. بۇ بۇيرۇقنىڭ ئوتتۇرىغا قويۇلۇشى بىزنىڭ ئەركىن ھىندى-تىنچ ۋەدىمىزنى تەكىتلەيدۇ» دېدى.

ئامېرىكا ئالەم قاتنىشى ئارمىيەسىنىڭ كورىيە قوماندانى بولۇپ ۋەزىپە ئۆتەيدىغان جوشۇئا ماككۇللىيون: «شىمالىمىزدا مەۋجۇت تەھدىد بار. بۇ تەھدىد زۆرۈر تېپىلغاندا توسۇش، تاقابىل تۇرۇش ۋە يوق قىلىشقا تەييار تۇرۇشىمىز كېرەك بولغان تەھدىتتۇر» دېدى.

يېڭى قوماندانلىق ئامېرىكىنىڭ چەت ئەلدىكى ئىككىنچى ئالەم بوشلۇقى قوماندانلىق شتابى بولۇپ خىزمەت قىلىدۇ. باياناتىغا قارىغاندا، يېڭى قوماندانلىق باشقۇرۇلىدىغان بومبىدىن مۇداپىئەلىنىش مەشغۇلاتىغا مەركەزلەشكەن بولۇپ، باللىستىك باشقۇرۇلىدىغان بومبا سىنىقىنى دەل ۋاقتىدا بايقاشنى ئۆز ئىچىگە ئالىدۇ. ۋە شىمالىي كورىيە ۋە خىتاينى ئۆز ئىچىگە ئالغان رايوندىكى ئوخشىمىغان نۇقتىلاردىن قويۇپ بېرىلگەن باشقۇرۇلىدىغان بومبىنى ئانالىز قىلىش، بايقاش ۋە ئىز قوغلاشنى ئۆز ئىچىگە ۋەزىپىلەرنى ئورۇنلايدۇ. نۆۋەتتە جەنۇبىي كورىيەدە 28 مىڭدىن ئارتۇق ئامېرىكا ئەسكىرىنىڭ ئورۇنلاشقانلىقى مەلۇم.

تەييارلىغۇچى: ئى. ئۆتكۈر