- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
ياشلار شەرقىي تۈركىستان ئۈچۈن فاتىھ جامەسىدە جەم بولدى
ئىستانبۇل فاتىھ جامەسىدە 4-دېكابىر ئەتىگەن خىتاينىڭ شەرقىي تۈركىستاندا داۋاملاشتۇرۇۋاتقان ئىرقىي قىرغىنچىلىق جىنايىتىگە قارشى ئۇچرىشىش ۋە دۇئا پائالىيىتى ئۆتكۈزۈلدى.
پائالىيەتنى شەرقىي تۈركىستان يېڭى نەسىل ھەرىكىتى، IHH ياشلار شۆبىسى ۋە ئىسلام دۇنياسى ئىجتىمائىي تەشكىلاتلار بىرلىكى تەشكىللىدى.
قاتناشقۇچىلار بامدات نامىزىدىن كېيىن جامە قورۇسىغا يىغىلىپ ئالدى بىلەن قۇرئان تىلاۋەت قىلىندى. ئارقىدىن شەرقىي تۈركىستان يېڭى نەسىل ھەرىكىتى رەئىسى ئابدۇسالام تەكلىماكان سۆز قىلىپ، خىتاينىڭ شەرقىي تۈركىستاندا يىللاردىن بۇيان ئىجرا قىلىۋاتقان جىنايەتلىرىنىڭ توختاۋسىز داۋام قىلىۋاتقانلىقىنى، جازا لاگېرلىرى سىياسىتى تۈگىمەستىن نەچچە ئايدىن بۇيان ئاتالمىش «يۇقۇمنى نۆلگە چۈشۈرۈش» نامىدا خەلقنى ئاچ قويۇپ ئۆلتۈرۈش، ئىقتىسادىي جەھەتتىن ۋەيران قىلىش، قاتتىق خورلاش قاتارلىق جىنايەتلىرىنىڭ داۋام قىلىۋاتقانلىقىنى ۋە ئۈرۈمچىدىكى قەستەن ئوت قويۇپ كۆيدۈرۈپ ئۆلتۈرۈش جىنايىتىنىڭ كېلىپ چىقىش سەۋەبىنىڭمۇ ئەنە شۇ قاتتىق قامال قىلىش ۋە ئۇيغۇرلارنى يوقىتىش سىياسىتىنىڭ بىر پارچىسى ئىكەنلىكىنى ئوتتۇرىغا قويدى. بامدات نامىزىغا يىغىلغان ياشلار ۋە مەسچىت جامائىتى خىتاينىڭ بۇ ۋەھشىي جىنايەتلىرىگە نارازىلىقىنى بىلدۈرۈشتى ۋە خىتاينىڭ ھالاكىتى ئۈچۈن دۇئالار قىلىندى.
تەييارلىغۇچى ئابدۇخەبەر رەجەپ