- خىتاي ئۇيغۇر پائالىيەتچىلىرىدىن ئۆچ ئالماقتا
- خىتاي خەلقئارانىڭ كۆزىنى بويايدىغان غايەت زور مەدەنىيەت سارىيىنىڭ يوپۇقىنى ئاچتى
- ئامېرىكا پالاتا ئەزالىرى خىتايغا قارشى ماھىيەتلىك قانۇن لايىھەسى سۇندى
- ئامېرىكا پارلامېنت ئەزالىرى ھۆكۈمەتنى خىتايدا قامالغان ئامېرىكىلىقلارنى قۇتقۇزۇشقا چاقىردى
- خىتاينىڭ «بىر بەلباغ، بىر يول» پىلانىنىڭ تۈركىيەگە زىيان كەلتۈرىدىغانلىقى تەكىتلەندى
- خىتايدىكى ياۋروپا شىركەتلىرى ئىستراتېگىيەسىنى ئۆزگەرتىشكە مەجبۇر بولماقتا
- ياپونىيە: خىتاي ئاۋىياماتكىسى تۇنجى قېتىم ياپونىيە تەۋەلىكىگە كىردى
- تاراتقۇلار: خىتاي رۇسىيەنىڭ ھەربىي تېخنىكىسىغا ئېرىشىشنىڭ تارىخىي پۇرسىتىگە ئېرىشتى
- خىتاي تەيۋەنگە قورال ساتقان توققۇز ئامېرىكا شىركىتىگە جازا يۈرگۈزدى
- لوندون ئۇنىۋېرسىتېتى پىروفېسسور راھىلە داۋۇتقا پەخرىي دوكتورلۇق ئۇنۋانى بەردى
ئاتۇش بىلەن گۇمىدا يەر تەۋرىدى
شەرقىي تۈركىستاننىڭ ئاتۇش شەھىرى ۋە گۇما ناھىيەسىدە ئوخشىمىغان دەرىجىدە يەر تەۋرىدى.
خىتاي خەۋەرلىرى تورىنىڭ خەۋەر قىلىشىچە، خىتاي يەر تەۋرەشتىن ئالدىن مەلۇمات بېرىش ئىدارىسى ئاتۇش شەھىرىدە 29-نويابىر شۇ جاي ۋاقتى سائەت 12 دىن 31 مىنۇت ئۆتكەندە (شىمالىي كەڭلىك 40.41 گىرادۇس، شەرقىي ئۇزۇنلۇقى 77.09 گىرادۇس) دا 4.6 بال يەر تەۋرىگەنلىكىنى بىلدۈرگەن. تەۋرەش مەنبەسىنىڭ چوڭقۇرلۇقى 10 كىلومېتىر بولغان.
خىتاي رېجىمى تەۋرەشتە كېلىپ چىققان ئۆيلەرنىڭ ئۆرۈلۈپ چۈشۈشى ياكى يارىلىنىش ئەھۋالى، كېلىپ چىققان ئىقتىسادىي زىيان ھەققىدە تەپسىلىي مەلۇمات بەرمىگەن.
ئۇندىن باشقا خوتەن ۋىلايىتىنىڭ گۇما ناھىيەسىدە 3.0 بال يەر تەۋرىگەن. خىتاي يەر تەۋرەشتىن ئالدىن مەلۇمات بېرىش ئىدارىسىنىڭ 30-نويابىردىكى خەۋىرىدە بىلدۈرۈلۈشىچە، گۇما ناھىيەسىدە 30-نويابىر شۇ جاي ۋاقتى سائەت 02:40 تا (شىمالىي كەڭلىك 37.65 گىرادۇس، شەرقىي ئۇزۇنلۇق 77.81 گىرادۇس)دا 3.0 بال يەر تەۋرىگەن. تەۋرەش مەنبەسىنىڭ چوڭقۇرلۇقى 10 كىلومېتىر بولغان.
تەييارلىغۇچى: ئابدۇخەبەر رەجەپ