- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
تۈركىيە تاشقى ئىشلار مىنىستىرلىقى خىتايدىن ئوت ئاپىتىنىڭ سەۋەبىنى ئاشكارىلاشنى تەلەپ قىلدى
تۈركىيە تاشقى ئىشلار مىنىستىرلىقى خىتايدىن 24-نويابىر ئۈرۈمچىدە يۈز بەرگەن ئېچىنىشلىق ئوت ئاپىتىنىڭ سەۋەبىنى خەلقئاراغا ئاشكارىلاشنى تەلەپ قىلدى.
تۈركىيە تاشقى ئىشلار مىنىستىرلىقى 26-نويابىر يازما بايانات ئېلان قىلىپ، خىتايدىن 40 تىن ئارتۇق كىشىنىڭ ھاياتىدىن ئايرىلىشىغا سەۋەب بولغان ئېچىنىشلىق ئوت ئاپىتىنىڭ كېلىپ چىقىش سەۋەبىنى خەلقئاراغا ئاشكارىلاشنى تەلەپ قىلدى.
باياناتتا مۇنۇلار بىلدۈرۈلدى: «خىتاي خەلق جۇمھۇرىيىتى شىنجاڭ ئۇيغۇر ئاپتونوم رايونى ئۈرۈمچىدە يۈز بەرگەن ئوت ئاپىتى نەتىجىسىدە ھاياتىدىن ئايرىلغان ۋە يارىدار بولغانلارنىڭ بارلىقىدىن قاتتىق قايغۇرۇش ئىچىدە خەۋەر تاپتۇق. بۇ ئېچىنىشلىق ۋەقە سەۋەبلىك تەزىيە بىلدۈرىمىز ھەمدە يارىلانغانلارنىڭ يارىسىنىڭ تېزدىن ساقىيىشىغا تىلەكداشمىز. بۇ مۇناسىۋەت بىلەن ئېچىنىشلىق ئوت ئاپىتىنىڭ كېلىپ چىقىش سەۋەبىنىڭ خەلقئاراغا ئاشكارىلىنىشىنى كۈتىمىز».
خىتاي رېجىمى ئاتالمىش «يۇقۇمنى نۆلگە چۈشۈرۈش» باھانىسى بىلەن، شەرقىي تۈركىستاننىڭ ھەرقايسى جايلىرىدا خەلقنىڭ ئىشىكلىرىنى، ئولتۇراق رايونلىرىنىڭ دەرۋازىلىرىنى قۇلۇپلاپ ياكى توسۇق قويۇپ، ئۆيلىرىگە قامىغانىدى. ئەمما ئىنسان قېلىپىدىن چىققان بۇ تەدبىرلەر قامال باشلانغىنىغا ئۈچ ئايدىن ئاشقان ئۈرۈمچىدە ئېچىنىشلىق پاجىئەنى كەلتۈرۈپ چىقاردى.
تەييارلىغۇچى: ئابدۇخەبەر رەجەپ