- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
ئايفون ئىشلەتكەن ئۇيغۇرلارنىڭ ئۇچۇرلىرى ئوغرىلاندى
ئايفون ئىشلەتكەن ئۇيغۇرلارنىڭ ئۇچۇرلىرى ئوغرىلاندى
ئېنگەجىت (Engadget) تورىنىڭ تۈنۈگۈنكى خەۋىرىدە بىلدۈرۈلۈشىچە، خىتاي دائىرلىرى قۇرغان مەلۇم تور بەتنىڭ مەخسۇس ئۇيغۇر ئايفون ئىشلەتكۈچىلىرىنىڭ ئۇچۇرلىرىنى ئوغرىلاپ كەلگەنلىكى ئاشكارىلانغان.
خەۋەردە ئېيتىلىشىچە، مەزكۇر تور بەت ئايفوندىكى سىستېما يوچۇقىدىن پايدىلىنىپ، ئايفون ئىشلەتكەن ئۇيغۇرلارنىڭ قىسقا ئۇچۇر، شىفىر ۋە تۇرۇۋاتقان ئورنى قاتارلىق مۇھىم ئۇچۇرلىرىنى ئوغرىلاپ، خىتاي دائىرىلىرىگە تاپشۇرۇپ بەرگەن. گەرچە ئالما شىركىتى بۇ يىل ئاپرېل ئېيىدا سىستېما يېڭىلاش ئارقىلىق بۇ يوچۇقنى ئېتىۋەتكەن بولسىمۇ، ئەمما ئىشلەتكۈچىلەرنىڭ يانفونلىرى ئاللىبۇرۇن بۇزغۇنچىلىققا ئۇچراپ بولغان.
خەۋەردە يەنە بىخەتەرلىك دەرىجىسى ئالمىدىن تۆۋەن بولغان ئاندروئىد ۋە ۋىندوۋس سىستېمىلىرىنىڭ تېخىمۇ ئاسان ھۇجۇمغا ئۇچرايدىغانلىقى تەكىتلەنگەن. شۇنداقلا شەرقىي تۈركىستانغا ساياھەتكە بارغانلارنىڭ ئاندروئىد سىستېمىلىق يانفونلىرىغا خىتاي ساقچىلىرىنىڭ نازارەت قىلىدىغان ئەپلەرنى قاچىلايدىغانلىقى، ئالما تېلېفونلىرىغا بۇ خىل ئەپلەرنى قاچىلىيالمىسىمۇ، ئەمما تولۇق بىر قېتىم سىكەنلەپ، تەكشۈرۈپ چىقىدىغانلىقى بىدۈرۈلگەن.
خەۋەلەردە كۆرسىتىلىشىچە، ئالما شىركىتى بۇ ھەقتە تېخى ھېچقانداق ئىپادە بىلدۈرمىگەن.