- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
گېرمانىيە باش مىنىستىرى: ئاسىيا-تىنچ ئوكيان خىتايدىن چوڭ
14-نويابىر سىنگاپوردا زىيارەتتە بولغان گېرمانىيە باش مىنىستىرى ئولاف شولز گېرمانىيەنىڭ ئاسىيا-تىنچ ئوكيان رايونى بىلەن بولغان ئىقتىسادىي ئالاقىنى كۈچەيتىشنى خالايدىغانلىقىنى، ئاسىيا تىنچ-ئوكياننىڭ خىتايدىن چوڭ ئىكەنلىكىنى تەكىتلىدى.
ئامېرىكا ئاۋازىنىڭ 15-نويابىردىكى خەۋىرىدە بىلدۈرۈلۈشىچە، شولز ئاسىيا ساياھىتىدە تۇنجى قېتىم ۋېيتنامنى زىيارەت قىلغان بولۇپ، زىيارىتىنىڭ ئىككىنچى بېكىتىدە سىنگاپورنى زىيارەت قىلغان. شولزنىڭ سەپىرى مۇشۇ ئاينىڭ بېشىدا بېيجىڭدىكى زىيارىتىدىن كېيىن باشلانغان بولۇپ، گېرمانىيە كەلگۈسىدىكى خىتايغا قارشى سودا ۋە سىياسەتكە مۇناسىۋەتلىك مەسىلىلەر ھەققىدە ئىزدەنمەكتە ئىكەن.
شولز ئاسىيا تىنچ ئوكيان گېرمانىيە سودا يىغىنىدا قىلغان سۆزىدە: «خىتاي يەنىلا مۇھىم سودا ھەمراھى، ئەمما ئاسىيا-تىنچ ئوكيان رايونى خىتايدىن چوڭ» دېگەن.
يېقىنقى بىر نەچچە ھەپتە ئىچىدە خىتاينىڭ گېرمانىيەگە سالغان مەبلىغى قىزىق نۇقتىغا ئايلانغان. گېرمانىيە ئەمەلدارلىرى كۈچلۈك سودا ئالاقىسىنى تەڭپۇڭلاشتۇرماقچى بولغان بىر مەزگىلدە رۇسىيە بىلەن بولغان خاتا مۇناسىۋەتنىڭ تەكرارلىنىشىدىن ساقلىنىشقا ئۇرۇنغان. رۇسىيە ئىلگىرى گېرمانىيەنىڭ يېرىمىدىن كۆپرەك رايونىنى تەبىئىي گاز بىلەن تەمىنلەيدىغان بولسىمۇ، ئەمما ھازىر تەمىنلەشنى توختاتقان.
ئۇ دۈشەنبە كۈنى گېرمانىيەنىڭ سىياسىي ۋە ئىقتىسادىي ئورگانلىرى خىتاينىڭ بەش-ئون يىل ئىلگىرىكى خىتايغا ئوخشىمايدىغانلىقىنى، گېرمانىيەنىڭ سىياسىي ۋە ئىقتىسادىي ئورگانلىرى بۇنى تونۇپ يېتىشى كېرەكلىكىنى ئوتتۇرىغا قويغان. ئۇ يەنە يېڭى دۆلەت بىخەتەرلىك ئىستراتېگىيەسىدە بەزى خام ئەشيا ياكى ئاچقۇچلۇق تېخنىكا مەسىلىسىدە خەتەرلىك ھالدا بىر تەرەپلىمە تايىنىشنى ئازايتىش كېرەكلىكىنى تەكىتلىگەن.
تەييارلىغۇچى: ئابدۇخەبەر رەجەپ