- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
ياپونىيە باش ۋەزىرى ئۇيغۇرلارنىڭ ۋەزىيىتىدىن ئەندىشە قىلىۋاتقانلىقىنى بىلدۈردى
ياپونىيە باش ۋەزىرى فۇمىئو كىشىدا 12-نويابىر كامبودژانىڭ فنوم پېندا ئۆتكۈزۈلگەن شەرقىي جەنۇبىي ئاسىيا ئەللىرى ئىتتىپاقى باشلىقلار يىغىنىدا ئۇيغۇرلار ھەققىدە توختالدى.
رويتېرس ئاگېنتلىقىنىڭ خەۋىرىدە بىلدۈرۈلۈشىچە، ياپونىيە باش ۋەزىرى فۇمىئو كىشىدا يىغىندا ئاسىيا رەھبەرلىرىگە خىتاب قىلىپ، خىتاينىڭ ياپونىيەنىڭ ئىگىلىك ھوقۇقىغا دەخلى-تەرۇز قىلىۋاتقانلىقىنى ۋە رايوندىكى جىددىيلىكنى كەسكىنلەشتۈرۈۋېتىدىغان ھەرىكەتلەرنى ئۈزلۈكسىز كۈچەيتىۋاتقانلىقىنى بىلدۈرگەن.
كىشىدا كامبودژادا ئۆتكۈزۈلگەن شەرقىي ئاسىيا باشلىقلار يىغىنىدا سۆز قىلىپ، تەيۋەن بوغۇزىنىڭ تىنچلىقى ۋە مۇقىملىقىغا كاپالەتلىك قىلىشنىڭ رايون بىخەتەرلىكى ئۈچۈن مۇھىملىقىنى بىلدۈرگەندىن سىرت ئۇيغۇر خەلقىنىڭ كىشىلىك ھوقۇق ئەھۋالىدىن ئېغىر ئەندىشە قىلىدىغانلىقىنى ئوتتۇرىغا قويغان.
كىشىدا يىغىندا: «خىتاينىڭ شەرقىي خىتاي دېڭىزىدا ياپونىيەنىڭ ئىگىلىك ھوقۇقىغا دەخلى-تەرۇز قىلىدىغان ھەرىكەتلىرى داۋاملىشىۋاتىدۇ ۋە كۆپىيىۋاتىدۇ. خىتاي يەنە جەنۇبىي دېڭىزدىكى رايون جىددىيلىكىنى كۈچەيتىدىغان ھەرىكەتلەرنى قىلىۋاتىدۇ» دېگەن.
ئۇ سۆزىدە يەنە ئامېرىكا پىرېزىدېنتى جوۋ بايدېننىڭ سۆزىنى قوللايدىغانلىقىنى، تەيۋەن بوغۇزىدا تىنچلىقنىڭ مۇھىملىقىنى ۋە جەنۇبىي دېڭىزدا يول باشلاش ئەركىنلىكىگە كاپالەتلىك قىلىدىغانلىقىنى تەكىتلىگەن.
تەييارلىغۇچى: ئابدۇخەبەر رەجەپ