- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
ئۈرۈمچىدە قامال قىلىنغان خەلق قاردا قالدى
ئىشغالىيەتچى خىتاي رېجىمى تەرىپىدىن ئاتالمىش «يۇقۇمنى نۆلگە چۈشۈرۈش» باھانىسى بىلەن چوڭ-كىچىك، قېرى-ياش دەپ ئايرىلماستىن، ھېچقانداق ئىسسىق-سوغۇقتىن مۇداپىئەلىنىش ئەسلىھەسى بولمىغان، ساندۇق ياكى كەپە شەكىللىك مىڭلىغان ئۆيلەرگە قامالغان شەرقىي تۈركىستان خەلقى ئۈرۈمچىدە تۇنجى قارنىڭ يېغىشى بىلەن ئېغىر خەتەر ئاستىدا قالدى.
10-نويابىر ئىجتىمائىي ئۇچۇر ۋاسىتىلىرىدا تارقالغان بىر قانچە سىندا شەرقىي تۈركىستاننىڭ ئۈرۈمچىدە ياغقان تۇنجى قارنىڭ ئاتالمىش «يۇقۇمنى نۆلگە چۈشۈرۈش» باھانىسى بىلەن خەلقنى قامىغان كەپە ئۆيلەرنى قاپلىغانلىقى كۆرسىتىلگەن.
سىندا ئۈرۈمچىدىكى قاتتىق سوغۇقتىمۇ شامال چىقسا ئۆرۈلۈپ كەتكۈدەك دەرىجىدىكى كەپە ئۆيلەرگە خەلقنىڭ سولانغانلىقى خىتاينىڭ شەرقىي تۈركىستاندا رەھىمسىزلەرچە ئىجرا قىلىۋاتقان جىنايەتلىرىنىڭ قايسى دەرىجىگە بېرىپ يەتكەنلىكىنى يەنە بىر قېتىم دۇنياغا نامايان قىلماقتا.
نۆۋەتتە ئۈرۈمچىنىڭ ھاۋا تېمپېراتۇرىسى نۆلدىن تۆۋەن دەرىجىگە چۈشكەن بولۇپ، ئالدىنقى ئايدا ئادەتتىكى شامالدا ئۆرۈلۈپ كەتكەن مەزكۇر كەپە ئۆيلەرنىڭ كۈنسېرى كۈچىيىۋاتقان قاتتىق سوغۇققا بەرداشلىق بېرىشىنىڭ مۇمكىن ئەمەسلىكى بۇ يەردە چىقىدىغان پاجىئەگە قارىتا ئەندىشىنى كۈچەيتمەكتە.
تەييارلىغۇچى: ئابدۇخەبەر رەجەپ