- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
پاكىتلار خىتاينىڭ ساختا تەشۋىقاتىنى پاش قىلماقتا
خىتاينىڭ ئاتالمىش «يۇقۇمنى نۆلگە چۈشۈرۈش» باھانىسى بىلەن شەرقىي تۈركىستان خەلقىنى ئائىلىسىگە قامىغاندىن باشقا، مەخسۇس تەييارلانغان ئاتالمىش «ئايرىپ قاماش ئورۇنلىرى» غا مەجبۇرىي قاماپ قىيناش قىلمىشلىرى خىتاي خەۋەرلىرىنى قاپلىغان ئاتالمىش «شىنجاڭدا پۈتۈن يىللىق ئاشلىقتىن مول-ھوسۇل ئېلىندى، يېزا ئىگىلىك ۋە چارۋىچىلىق مەھسۇلاتلىرىنىڭ مىقدارى ئالدىنقى يىلدىكىدىن %10 ئاشتى» دېگەن مەزمۇندىكى تەشۋىقاتلىرىنىڭ يالغان ئىكەنلىكىنى ئاشكارىلىماقتا.
10-نويابىر ئىجتىمائىي ئۇچۇر ۋاسىتىلىرى ئارقىلىق شەرقىي تۈركىستاننىڭ تۇرپاندىن تارقالغان يەتتە مىنۇتلۇق سىن خىتاينىڭ شەرقىي تۈركىستاندا رەھىمسىزلەرچە ئىجرا قىلىۋاتقان باستۇرۇش قىلمىشىنىڭ قايسى دەرىجىگە بېرىپ يەتكەنلىكىنى يەنە بىر قېتىم دۇنياغا ئاشكارىلىدى.
سىندا بىر ئۇيغۇر ئايالنىڭ قوشنىلار توپىدىكى پاراڭلىرى خىتاينىڭ شەرقىي تۈركىستان خەلقىنىڭ ئىشىكىنى سىم بىلەن باغلاپ ئۆيگە قامال قىلىشى سەۋەبلىك چېكىۋاتقان ئازابلارنى ئاشكارىلاپ بەرمەكتە.
كۆزەتكۈچىلەر خىتاي رېجىمىنىڭ ئاتالمىش «يۇقۇمنى نۆلگە چۈشۈرۈش» نامىدا ئۆيلەرگە قامىغاننىڭ سىرتىدا خەلقنى كوللېكتىپ ئايرىپ قاماش مەركەزلىرىگە قاماپ، ئاچ قويۇپ قىيناش، مەينەتچىلىك ۋە ئاچلىقتىن كېسەل بولغانلارنى داۋالىماي تاشلاپ قويۇش قاتارلىق ھەرخىل ۋاسىتىلەر بىلەن قىرغىن قىلىشنى داۋاملاشتۇرۇۋاتقانلىقىنى بىلدۈرۈشمەكتە.
تەييارلىغۇچى: ئابدۇخەبەر رەجەپ