- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
ئەنگلىيە پادىشاھىنىڭ ئانا مەكتىپى خىتايغا كېڭىيىش پىلانىنى ئەمەلدىن قالدۇرۇشقا چاقىرىلدى
خەلقئارا كەچۈرۈم تەشكىلاتى ئەنگلىيە خان جەمەتى ئەزالىرىنىڭ، خۇسۇسەن چارلىز III نىڭ ئانا مەكتىپىنى خىتايدىكى كېڭەيتىش پىلانىنى بىكار قىلىشقا چاقىردى.
ئامېرىكا ئاۋازىنىڭ 8-نويابىردىكى خەۋىرىدە بىلدۈرۈلۈشىچە، ئەنگلىيە خان جەمەتىنىڭ كۆپلىگەن ئەزالىرى، جۈملىدىن نۆۋەتتىكى ئەنگلىيە پادىشاھى چارلىز III نىڭ ئانا مەكتىپى بولغان گوردونستون مەكتىپى بۇندىن ئىلگىرى خىتايدا مەكتەپ ئېچىش پىلانلىغان. خەلقئارا كەچۈرۈم تەشكىلاتى خىتايدىكى كىشىلىك ھوقۇق ۋەزىيىتى سەۋەبلىك، مەكتەپنى بۇ پىلانىدىن ۋاز كېچىشكە چاقىرغان.
خەۋەردە قەيت قىلىنىشىچە، شوتلاندىيەدىكى گوردونستون مەكتىپى 2019-يىلى خىتايدا مەكتەپ ئاچىدىغانلىقىنى ئېلان قىلغان بولۇپ، بۇ يىل رەسمىي ئىشقا كىرىشتۈرۈلىدىغانلىقى مۆلچەرلەنگەن. مەكتەپنىڭ كۆرسىتىشىچە، خىتايدىكى شۆبە مەكتىپىدە خىتاينىڭ دەرسلىكلىرى ئۆتۈلىدىكەن، شۇنداقلا ئوقۇغۇچىلارنىڭ مىجەز-خۇلقىنى يېتىلدۈرىدىغان ئوقۇتۇش مېتودى قوللىنىدىكەن.
خەلقئارا كەچۈرۈم تەشكىلاتى شوتلاندىيە شۆبىسىنىڭ باشلىقى نائومى مىكئاۋلى ھەر بىر ئوقۇغۇچىنىڭ يىللىق ئوقۇش پۇلى تەخمىنەن 35 مىڭ دوللار بولغان بۇ مەكتەپنىڭ سودا ھەققىدە قارار چىقارغاندا، كىشىلىك ھوقۇق ئامىلىنىمۇ ئويلىشىشى كېرەكلىكىنى تەكىتلىگەن.
ئۇ ۋاقىت گېزىتىگە قىلغان سۆزىدە: «خىتايدىكى كىشىلىك ھوقۇق ۋەزىيىتى ئىنتايىن ئېغىر ھەمدە تېخىمۇ ئېغىرلاشماقتا. گوردونستون مەكتىپى مەكتەپ ئەتراپىدا يۈز بېرىۋاتقان كىشىلىك ھوقۇق دەپسەندىچىلىكىنى كۆرمەسكە سالماسلىقى كېرەك» دېگەن.
تەييارلىغۇچى: ئابدۇخەبەر رەجەپ