- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
شەرقىي تۈركىستان خەلقىنىڭ تىز پۈكمەس روھى نامايان بولماقتا
خىتاينىڭ يېقىنقى يىللاردىن بېرى شەرقىي تۈركىستان خەلقىنى يوقىتىش رەزىل مەقسىتىدە داۋام قىلىۋاتقان ئالدى بىلەن قارشىلىق كۆرسەتكەنلەرنى قىرىپ تاشلاپ، بۇلار ئارقىلىق سۈكۈت قىلغانلارنى قورقۇتۇپ يوقىتىشتىن ئىبارەت تېررورلۇق سىياسىتى شەرقىي تۈركىستان خەلقىنىڭ تىز پۈكمەس روھىنى بويسۇندۇرالمىغان.
3-نويابىر كورلا شەھىرى ج خ ئىدارىسى تۇتۇش بۇيرۇقى ئېلان قىلغان بولۇپ، تۇتۇش بۇيرۇقىدا كورلا شەھىرى قارا يۇلغۇن يېزىسى باغ جىگدە كەنتلىك مەخمۇت مۆيدىن ھەققىدە يىپ ئۇچى بىلەن تەمىنلىگەن كىشىلەرگە 200 مىڭ يۈەن سۆيۈنچە بېرىلىدىغانلىقى ئېلان قىلىنغان.
خىتاي رېجىمى تۇتۇش بۇيرۇقىدا مەخمۇت مۆيدىننىڭ ئالاھىدىلىكلىرىنى تونۇشتۇرۇپ، ئۇنىڭ مەھبۇس كىيىمى كىيىۋالغانلىقىنى ئېلان قىلغان بولۇپ، بۇ ئارقىلىق ئۇنىڭ شەرقىي تۈركىستاندىكى مەلۇم تۈرمە ياكى جازا لاگېرىدىن قېچىپ كەتكەنلىكىنى ئاشكارىلاپ قويغان.
كۆزەتكۈچىلەر خىتاينىڭ شەرقىي تۈركىستان خەلقىنى قىرىپ يوقىتىپ، شەرقىي تۈركىستاننى خىتايلاشتۇرۇش ئۈچۈن ئىجرا قىلىۋاتقان تېررور سىياسەتلىرىنى ئىجرا قىلغان بولسىمۇ، شەرقىي تۈركىستان خەلقىنىڭ تىز پۈكمەس روھىنى تەۋرىتەلمىگەنلىكىنى، 9-ئايدا خىتاي غۇلجا قارادۆڭ خەلقىنىڭ قاتتىق قامالغا قارشى كۆرسەتكەن كوللېكتىپ قارشىلىقى، تۈرمىدىن (ياكى جازا لاگېرىدىن) مۇۋەپپەقىيەتلىك قاچقان مەخمۇت مۆيدىننىڭ ئەمەلىيەتتە تىز پۈكمەس روھنىڭ نامايەندىسى ئىكەنلىكىنى، ئەركىن دۇنيادا ياشاپ تۇرۇپ سۈكۈت ۋە ئۈمىدسىزلىككە پاتقان كىشىلەرنىڭ بۇ روھنى ئۇنتۇپ قالماسلىقى كېرەكلىكىنى بىلدۈرۈشمەكتە.
تەييارلىغۇچى: ئابدۇخەبەر رەجەپ