- خىتاي ئۇيغۇر پائالىيەتچىلىرىدىن ئۆچ ئالماقتا
- خىتاي خەلقئارانىڭ كۆزىنى بويايدىغان غايەت زور مەدەنىيەت سارىيىنىڭ يوپۇقىنى ئاچتى
- ئامېرىكا پالاتا ئەزالىرى خىتايغا قارشى ماھىيەتلىك قانۇن لايىھەسى سۇندى
- ئامېرىكا پارلامېنت ئەزالىرى ھۆكۈمەتنى خىتايدا قامالغان ئامېرىكىلىقلارنى قۇتقۇزۇشقا چاقىردى
- خىتاينىڭ «بىر بەلباغ، بىر يول» پىلانىنىڭ تۈركىيەگە زىيان كەلتۈرىدىغانلىقى تەكىتلەندى
- خىتايدىكى ياۋروپا شىركەتلىرى ئىستراتېگىيەسىنى ئۆزگەرتىشكە مەجبۇر بولماقتا
- ياپونىيە: خىتاي ئاۋىياماتكىسى تۇنجى قېتىم ياپونىيە تەۋەلىكىگە كىردى
- تاراتقۇلار: خىتاي رۇسىيەنىڭ ھەربىي تېخنىكىسىغا ئېرىشىشنىڭ تارىخىي پۇرسىتىگە ئېرىشتى
- خىتاي تەيۋەنگە قورال ساتقان توققۇز ئامېرىكا شىركىتىگە جازا يۈرگۈزدى
- لوندون ئۇنىۋېرسىتېتى پىروفېسسور راھىلە داۋۇتقا پەخرىي دوكتورلۇق ئۇنۋانى بەردى
ئۇيغۇرلار نامەلۇم سۇيۇقلۇقنى ئىچىشكە مەجبۇرلانماقتا
خىتاينىڭ ئاتالمىش «يۇقۇمنى نۆلگە چۈشۈرۈش» باھانىسى بىلەن شەرقىي تۈركىستاندا ئىجرا قىلىۋاتقان ئىشىكنى تېشىدىن تاقاپ ئاچ قويۇش، داۋالىماي تاشلاپ قويۇش قىلمىشى داۋام قىلىۋاتقان بولۇپ، ئىجتىمائىي ئۇچۇر ۋاسىتىلىرىدا ئاشكارىلانغان سىندىن مەلۇم بولۇشىچە، ئىشغالىيەتچى خىتاي رېجىمى شەرقىي تۈركىستان خەلقىنى ئاتالمىش «ئايرىپ كۆزىتىش ئورۇنلىرى»غا كوللېكتىپ قامىغاندىن باشقا، نامەلۇم سۇيۇقلۇقنى ئىچىشكە مەجبۇرلىغان.
25-ئۆكتەبىر ئىجتىمائىي ئۇچۇر ۋاسىتىلىرىدىن ئېرىشكەن بىر سىندا ئاشكارىلىنىشىچە، شەرقىي تۈركىستاننىڭ نامەلۇم بىر جايىدا ئۇيغۇرلارنى تۇتقۇن قىلىپ كوللېكتىپ ھالدا ئاتالمىش «ئايرىپ كۆزىتىش مەركىزى» گە ئېلىپ ماڭغان كۆرۈنۈشلەر تارقىتىلغان. مەزكۇر سىندا دېرىزىدىن دادىسىنىڭ تۇتقۇن قىلىنىپ ئېلىپ مېڭىلغانلىقىنى كۆرگەن تۆت ياش ئەتراپىدىكى بىر بالىنىڭ ئېچىنغان ھالدا يىغلاپ كەتكەنلىكى كۆرسىتىلگەن.
يەنە بىر سىندا خىتاي رېجىمى خادىملىرىنىڭ ئاتالمىش «ئايرىپ كۆزىتىش مەركىزى» دىكى كىشىلەرنى نامەلۇم سويۇقلۇقنى ئىچىشكە مەجبۇرلىغانلىقى كۆرسىتىلگەن بولۇپ، سىندا بىر كىشى نامەلۇم سۇيۇقلۇقنى ئېچىۋاتقان بولۇپ، خادىملار مەزكۇر كىشىنى قۇتىدىكى سۇيۇقلۇقنىڭ ھەممىنى ئىچىپ بولغانغا قەدەر يېقىن كېلىپ كۆزىتىپ تۇرغان.
كۆزەتكۈچىلەر شەرقىي تۈركىستاندىكى يۇقۇملىنىش ئەھۋالى ئالدىنقى كۈنلەردىكىگە قارىغاندا ئازلىغانلىقىنى بىراق خىتاي تاجاۋۇزچىلىرىنىڭ ئاتالمىش «ئايرىپ كۆزىتىش مەركەزلىرى» گە جىددىي تۇتقۇن قىلىشنىڭ يەنىلا داۋام قىلىۋاتقانلىقىنى، دۇنيانىڭ بۇ جىنايەتلەرگە سۈكۈت قىلماسلىقى كېرەكلىكىنى بىلدۈرۈشمەكتە.
تەييارلىغۇچى: ئابدۇخەبەر رەجەپ