- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
خىتاي كومپارتىيەسىنىڭ قۇرۇلتىيىدىكى كۆرۈنۈشلەر دىققەت قوزغىدى
خىتاي كوممۇنىستىك پارتىيەسىنىڭ 20-نۆۋەتلىك قۇرۇلتىيى 22-ئۆكتەبىر ئاخىرلاشقان بولۇپ، ئاخىرقى كۈنى يىغىن زالىدا يۈز بەرگەن بىر قىسىم ۋەقەلەر خەلقئارادا كۈچلۈك غۇلغۇلا قوزغىدى.
خىتاي كوممۇنىستىك پارتىيەسىنىڭ 20-نۆۋەتلىك قۇرۇلتىيى يەنە بىر نۆۋەتلىك ھوقۇقنى ئىگىلىگەن شى جىنپىڭنىڭ رىياسەتچىلىكىدە 22-ئۆكتەبىر ئاخىرلاشقان بولۇپ، خىتاي مەركىزىي كومىتېتىنىڭ يېڭى بىر نۆۋەتلىك 205 ئەزاسىغا شى جىنپىڭ تەرەپدارلىرىنىڭ ھەممىسى كىرەلىگەن. لى كېچياڭ ۋە ۋاڭ ياڭ بولسا سەپتىن چۈشۈپ قالغان.
يىغىننىڭ ئاخىرقى پەيتلىرىدە خىتاي رېجىمىنىڭ بۇرۇنقى رەئىسى خۇ جىنتاۋ سەھنىدىن مەجبۇرىي ئېلىپ كېتىلگەن بولۇپ، خەلقئارادا غۇلغۇلا قوزغىدى. بۇ ھەقتىكى سىندا كۆرسىتىلىشىچە، نامەلۇم ئىككى خىزمەتچى خادىم كېلىپ شى جىنپىڭنىڭ يېنىدا ئولتۇرغان خۇ جىنتاۋنى سەھنىدىن ئېلىپ كېتىشكە ئۇرۇنغان. خۇ جىنتاۋ ئايرىلىشنى خالىماي تارتىشىپ باققان بولسىمۇ، ئاخىرىدا خىزمەتچى خادىملار تەرىپىدىن ئاستا ئېلىپ مېڭىلغان. ئۇنىڭ ئايرىلىشتىن بۇرۇن شى جىنپىڭغا بىر-ئىككى ئېغىز سۆز قىلغانلىقى ۋە لى كېچياڭنىڭ دولىسىغا ئۇرۇپ قويغانلىقى سىنغا ئېنىق چىقىپ قالغان.
نۆۋەتتە خەلقئارالىق تاراتقۇلاردا ۋە ئىجتىمائىي ئۇچۇر ۋاسىتىلىرىدە بۇ توغرۇلۇق تۈرلۈك پەرەزلەر ۋە ئىنكاسلار ئوتتۇرىغا قويۇلماقتا.
تەييارلىغۇچى: ي. قۇرۇم