- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
ئامېرىكا خىتايغا قارشى «دۆلەت مۇداپىئە ھوقۇق بېرىش قانۇنى» نى مۇنازىرە قىلدى
ئامېرىكا كېڭەش پالاتاسى «دۆلەت مۇداپىئە ھوقۇق بېرىش قانۇنى» توغرىسىدا مۇنازىرە باشلىغان بولۇپ، ئاساسلىق نۇقتا خىتاي بىلەن رۇسىيەگە مەركەزلەشكەن.
ئامېرىكا ئاۋازىنىڭ خەۋىرىدە بىلدۈرۈلۈشىچە، ئامېرىكا كېڭەش پالاتاسى 11-ئۆكتەبىر 2023-يىلدىكى «دۆلەت مۇداپىئە ھوقۇق بېرىش قانۇنى» توغرىسىدىكى مۇنازىرىنى رەسمىي باشلىغان. بۇ چوقۇم ماقۇللىنىشى كېرەك بولغان 817 مىليارد دوللارلىق خامچوتقا چېتىلىدىغان قانۇن لايىھەسى بولۇپ، بۇ لايىھە بەش بۇرجەكلىك بىناغا مۇناسىۋەتلىك سىياسەتنى بەلگىلەيدىكەن. ئۇندىن باشقا بۇ لايىھە يەنە خىتاي ۋە رۇسىيەگە قارشى تۇرۇش شۇنداقلا تەيۋەن ۋە ئۇكرائىنانى قوللاش مەزمۇنلىرىنى ئۆز ئىچىگە ئالىدىكەن.
كېڭەش پالاتاسى ئارمىيە ئىشلىرى مۇلازىمەت كومىتېتىنىڭ رەئىسى جەك رېد كېڭەش پالاتادا قىلغان سۆزىدە: «بىز دۆلەت مۇداپىئەسى ھوقۇقى» نى مۇزاكىرە قىلغاندا، ئامېرىكىنىڭ خىتاي ۋە رۇسىيە بىلەن ئۇزۇن مۇددەتلىك ئىستراتېگىيەلىك رىقابەت مەسىلىسىنى ئەستە ساقلىشىمىز كېرەك» دېگەن. ئۇ سۆزىدە يەنە بېيجىڭ دۇنيادىكى بىردىنبىر ئىقتىسادىي ۋە تېخنىكا ئىقتىدارىغا ئىگە دۆلەت بولۇپ، ئامېرىكا مەنپەئەتىگە ئىزچىل خىرىس قىلغانلىقىنى، ئامېرىكا دۆلەت بىخەتەرلىك ئىشلىرىغا زور يوشۇرۇن تەھدىت ئېلىپ كېلىدىغانلىقىنى، ئامېرىكىنىڭ ئۇكرائىنا خەلقىنى قوللىشىنىڭ مۇھىملىقىنى تەكىتلىگەن.
«دۆلەت مۇداپىئەسى ھوقۇق بېرىش قانۇنى» نىڭ ئەڭ يېڭى نۇسخىسىنىڭ تېكىستى دەرھال ئېلان قىلىنمىغان بولۇپ، ئەمما كېڭەش پالاتاسىنىڭ ياردەمچىلىرى بۇ قانۇن لايىھەسىنىڭ سېنتەبىردە كېڭەش پالاتاسى تاشقى مۇناسىۋەتلەر كومىتېتى ماقۇللىغان قانۇن لايىھەسىنىڭ ئېلېمېنتلىرىنى ئۆز ئىچىگە ئالىدىغانلىقىنى، تەيۋەنگە بولغان بىخەتەرلىك ياردىمىنى كۆرۈنەرلىك ئاشۇرىدىغانلىقىنى ئېيتقان.
تەييارلىغۇچى: ئابدۇخەبەر رەجەپ