- چوڭ ھەجىملىك ئەسەر «تەپسىر جەۋھەرلىرى» نەشردىن چىقتى
- خىتاي ئۈرۈمچىدە ئىشغالىيەت تارىخىنى بۇرمىلايدىغان مەخسۇس يىغىن ئۆتكۈزدى
- خىتايدا قانلىق ھۇجۇملار كۆپىيىپ، ئاممىۋى بىخەتەرلىك تەدبىرلىرى جىددىي كۈچەيتىلگەن
- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
خەلقئارالىق مۇسابىقىدە خىتايغا قارشى نامايىش ئۆتكۈزۈلدى
گوللاندىيەدە ياشاۋاتقان بىر گۇرۇپپا خانىم-قىزلار خەلقئارا ئاياللار ۋالىبول مۇسابىقىسى داۋامىدا خىتايغا قارشى نامايىش قىلغان.
گوللاندىيەدە ياشاۋاتقان 12 نەپەر خانىم-قىزدىن تەشكىللەنگەن بىر گۇرۇپپا 28-سېنتەبىر گوللاندىيەنىڭ ئارنەم شەھىرىدە ئۆتكۈزۈلگەن خىتاي بىلەن ياپونىيە ئارىسىدا ئوينالغان خەلقئارالىق ئاياللار ۋالىبول مۇسابىقىسى داۋامىدا، خىتايغا قارشى نامايىش ئۆتكۈزگەن. بۇ نامايىشنى گوللاندىيە تەشكىلاتلار ئىتتىپاقى ئورۇنلاشتۇرغان.
گۇرۇپپىدىكى خانىم-قىزلار مۇسابىقە مەيدانىدا: «خىتاي، ئىرقىي قىرغىنچىلىقنى توختات» دېگەن شوئار يېزىلغان مايكا كىيىپ، خىتاينىڭ شەرقىي تۈركىستاندىكى جىنايى قىلمىشلىرىغا قارشى نارازىلىق بىلدۈرگەن. نامايىش داۋامىدا خانىم-قىزلارنىڭ ھەرىكىتى كىشىلەرنىڭ دىققىتىنى تارتقان. ئۇلار يەنە ياپونىيە كوماندىسى تەرىپىدە تۇرۇپ، ياپونىيە ماھىرلىرى نومۇر ئالغاندا ئالقىشلاپ چاۋاك چالغان.
مۇسابىقە باشلىنىپ يېرىم سائەت ئۆتكەندىن كېيىن ئامانلىق ساقلاش خادىملىرى ئۇيغۇر خانىملار كىيگەن مايكىنى سالدۇرۇۋالغان.
تەييارلىغۇچى: ئابدۇخەبەر رەجەپ