- چوڭ ھەجىملىك ئەسەر «تەپسىر جەۋھەرلىرى» نەشردىن چىقتى
- خىتاي ئۈرۈمچىدە ئىشغالىيەت تارىخىنى بۇرمىلايدىغان مەخسۇس يىغىن ئۆتكۈزدى
- خىتايدا قانلىق ھۇجۇملار كۆپىيىپ، ئاممىۋى بىخەتەرلىك تەدبىرلىرى جىددىي كۈچەيتىلگەن
- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
خىتاي ب د ت دا كۆز بويامچىلىق قىلىشقا باشلىدى
ب د ت ئومۇمىي يىغىنى داۋام قىلىۋاتقان پەيىتتە خىتاي دائىرىلىرى شەرقىي تۈركىستاندىكى قورچاق ئەمەلدارلاردىن تەشكىللەنگەن بىر ئەترەتنى جەنۋەگە ئەۋەتكەن بولۇپ، ئۇلار خىتاينىڭ شەرقىي تۈركىستاندا ئىجرا قىلىۋاتقان قىرغىن قىلىش جىنايى قىلمىشلىرىنى ئىنكار قىلىشقا ئۇرۇنغان.
فىرانسىيە خەلقئارا رادىئوسىنىڭ بۈگۈنكى خەۋىرىدە بىلدۈرلۈشچە، خىتاي بۇ نۆۋەتلىك ب د ت كىشىلىك ھوقۇق كېڭىشى يىغىنىغا شەرقىي تۈركىستاندىن بىر گۇرۇپپا ئۇيغۇر ئەمەلدارلىرىنى ئەۋەتىپ ئۆز جىنايەتلىرىنى ئۇلارنىڭ ئاغزى ئارقىلىق ياپماقچى بولغان.
خەۋەردە قەيت قىلىنىشىچە، خىتاي ئەۋەتكەن مەزكۇر گۇرۇپپا ب د ت دا ئىككى سائەتتىن ئارتۇق شەرقىي تۈركىستان ھەققىدە توقۇلما يالغانلىرىنى سۆزلىگەن.
بىلدۈرۈلۈشىچە، خىتاي ئەۋەتكەن گۇرۇپپا ئىچىدە ئاخبارات دېرىكتورى ۋە بىر ئىمامنى ئۆز ئىچىگە ئالغان بەش كىشى بار بولۇپ، ئۇلار ب د ت دا قىلغان سۆزىدە يېقىندا پىنسىيەگە چىققان ب د ت كىشىلىك ھوقۇق ئالىي كومېسسارى مىشېل باچېلېتنىڭ شەرقىي تۈركىستان توغرىسىدىكى دوكلاتىنى رەت قىلغان.
ب د ت باياناتچىسى فىرانسىيە خەلقئارا رادىئوسىنىڭ زىيارىتىنى قوبۇل قىلغان بولۇپ، خىتاي ئەۋەتكەن تەشۋىقات گۇرۇپپىسى كىشىلىك ھوقۇق كومىتېتىنىڭ مۇۋەققەت ئالىي كومېسسارى نادا ئەل نەشىف بىلەن كۆرۈشۈشنى پىلانلىغانلىقىنى ئاشكارىلغان.
مەلۇم بولۇشىچە، خىتاي نۆۋەتتە جەنۋەدىكى دۆلەتلەرنىڭ خىتايغا قارشى ھەرقانداق ھەرىكەت قىلىشىغا تاقابىل تۇرۇش ئۈچۈن پەردە ئارقىسىدا غايەت زور بېسىم شەكىللەندۈرگەن. خىتاينىڭ بۇنداق رەزىل ۋاستىلەرنى ئىشقا سېلىشىنىڭ سەۋبلىرىدىن بىرى بۇ نۆۋەتلىك كىشىلىك ھوقۇق كېڭىشىنىڭ شەرقىي تۈركىستاندىكى قىرغىن قىلىش ئەھۋاللىرىنى تەكشۈرۈش ھەققىدە قارار لايىھەسىنىڭ ئوتتۇرىغا قويۇلۇپ قېلىشىدىن ئەنسىرىگەنلىكىتىن بولغان.
تەييارلىغۇچى: ئابدۇخەبەر رەجەپ