- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
ئىستانبۇلدا 4-قېتىملىق UyghurSTEM روبوت كۆرگەزمىسى ئۆتكۈزۈلدى
قۇرۇلغاندىن بۇيان ئۇيغۇر ياش ئۆسمۈرلىرىنى روبوت تېخنىكىسى بويىچە سېستىمىلىق تەربىيەلەپ كېلىۋاتقان UyghurSTEM گۇرۇپپىسى 18-سېنتەبىر كەچتە «روبوتلار دۇنياغا ھۆكۈمران بولۇشتىن ئىلگىرى» ماۋزۇلۇق 4-نۆۋەتلىك روبوت كۆرگەزمىسى ئۆتكۈزدى.
كۆرگەزمىگە ھەرقايسى دۆلەتلەردىن كەلگەن تەتقىقاتچىلار، UyghurSTEM دە ئوقۇيدىغان ئۆسمۈرلەر، ئۇلارنىڭ ئاتا-ئانىلىرى ۋە باشقا مېھمانلار بولۇپ كۆپلىگەن كىشىلەر قاتناشتى.
كۆرگەزمە شىۋېتسارىيە دۆلەتلىك ئۇچۇر تېخنىكا شىركىتى ئالىي ئىنژېنېرى ۋە فىزىكا پەنلىرى دوكتورى ئابدۇشۈكۈر ئابدۇرېشىت ئەپەندىنىڭ سۆزى بىلەن باشلاندى. ئارقىدىن ئۆسمۈرلەر ئۆزلىرى لايىھەلىگەن خىلمۇخىل روبوتلارنى نەق مەيداندا سىناق قىلىپ تاماشىبىنلارغا كۆرسەتتى ۋە قىزغىن ئالقىشقا ئېرىشتى.
UyghurSTEM گۇرۇپپىسى مۇھاجىرەتتىكى ئۇيغۇر ئۆسمۈرلىرىنى تەبىئىي پەن بىلىملىرىدە يېتەكلەش ۋە ئىلىم-پەنگە بولغان قىزىقىشىنى كۈچەيتىش مەقسىتىدە 2019-يىلى تۈركىيەدە قۇرۇلغان. گۇرۇپپىنىڭ ماتېماتىكا، فىزىكا ۋە بىيولوگىيە دەرسلىرىگە قاتناشقانلاردىن سىرت، كومپيۇتېر پىروگرامما تىللىرى ۋە روبوت دەرسلىرىگىلا ھازىرغىچە نەچچە يۈزلىگەن ئوقۇغۇچى قاتناشقان.
تەييارلىغۇچى: ئابدۇخەبەر رەجەپ