- چوڭ ھەجىملىك ئەسەر «تەپسىر جەۋھەرلىرى» نەشردىن چىقتى
- خىتاي ئۈرۈمچىدە ئىشغالىيەت تارىخىنى بۇرمىلايدىغان مەخسۇس يىغىن ئۆتكۈزدى
- خىتايدا قانلىق ھۇجۇملار كۆپىيىپ، ئاممىۋى بىخەتەرلىك تەدبىرلىرى جىددىي كۈچەيتىلگەن
- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
خىتاي ئاتالمىش «توردىكى پىتنىلەرگە زەربە بېرىش» ھەرىكىتى باشلىدى
خىتاي ئاتالمىش «تور پىتنىلىرى ۋە ساختا ئۇچۇرلارنى تازىلاش ۋە ئۇنىڭغا زەربە بېرىش» نامىدا خىتاي مىقياسىدا ئۈچ ئايلىق مەخسۇس زەربە بېرىش ھەرىكىتى باشلىغان.
خىتاي خەلق تورىنىڭ خەۋىرىدە بىلدۈرۈلۈشىچە، خىتاي مەركىزىي ئالاقە تور ئۇچۇرى ئىشخانىسى 5-سېنتەبىردىن باشلاپ خىتاي مىقياسىدا ئۈچ ئايلىق ئاتالمىش «تور پىتنىلىرى ۋە ساختا ئۇچۇرلارنى تازىلاش ۋە ئۇنىڭغا زەربە بېرىش» مەخسۇس ھەرىكىتىنى باشلىغان.
خەۋەردە خىتاينىڭ مەزكۇر زەربە بېرىش ھەرىكىتىدە تۇنجى بولۇپ يامان غەرەزلىك پىتنە-ئىغۋا تارقاتقان، كۆپ قېتىم پىتنە-ئىغۋا تارقاتقان، پىتنە-ئىغۋا ئارقىلىق تور تىجارىتى قىلىدىغان ھېسابات نومۇرلىرىنى قارا تىزىملىككە كىرگۈزۈپ باشقۇرۇش ھەمدە ئۇنى تاقاش ۋە جازالاشنى پىلانلىغانلىقى دەۋا قىلىنغان. شۇنداقلا خىتاينىڭ مەخسۇس ھەرىكەت داۋامىدا دائىملىق تۈزەش مېخانىزمىنى ئورنىتىپ، يۇقىرى بېسىملىق قاتتىق باشقۇرۇش ھالىتىنى داۋاملىق ساقلايدىغانلىقى تەكىتلەنگەن.
كۆزەتكۈچىلەر خىتاي رېجىمىنىڭ بۇ تۈردىكى باستۇرۇش ھەرىكەتلىرىدىكى ئاساسلىق نىشاننىڭ خىتاي كوممۇنىست رېجىمىغا قارشى پىكىرلەر ئىكەنلىكى، خىتاينىڭ بۇ قالپاق ئارقىلىق ھەرقانداق مۇخالىپ پىكىر ۋە سۆز-ھەرىكەتلەرنى ئاتالمىش «توردىكى پىتنە-ئىغۋا» دەپ ئاتايدىغانلىقى، يىللاردىن بۇيان شەرقىي تۈركىستاندا يولغا قويۇپ كېلىۋاتقان ئارقىسى ئۈزۈلمەيدىغان زەربە بېرىش ھەرىكەتلىرىنىڭ ئاساسلىق نىشانىمۇ ئۇيغۇر خەلقىنى باستۇرۇش ئىكەنلىكىنى، بۇ قېتىم يولغا قويۇلغان ئاتالمىش «زەربە بېرىش» ھەرىكىتىنىڭمۇ خىتاي كومپارتىيەسى 20-قۇرۇلتىيىنىڭ بىخەتەرلىكىگە كاپالەتلىك قىلىش مەقسىتىدە يولغا قويۇلغانلىقىنى بىلدۈرۈشمەكتە.
تەييارلىغۇچى: ئابدۇخەبەر رەجەپ