- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
خەلقئارا شەرقىي تۈركىستان ياشلار ئۇچرىشىشى مۇۋەپپەقىيەتلىك ئاخىرلاشتى
تۈركىيەدە پائالىيەت قىلىۋاتقان شەرقىي تۈركىستان يېڭى نەسىل ھەرىكىتىنىڭ ئۇيۇشتۇرۇشى بىلەن ئېچىلغان 3-نۆۋەتلىك خەلقئارا شەرقىي تۈركىستان ياشلار ئۇچرىشىشى ئىستانبۇلدا مۇۋەپپەقىيەتلىك ئاخىرلاشتى.
2018-يىلى قۇرۇلغاندىن بۇيان ھەرقايسى ساھەلەردىكى ياشلارنى شەرقىي تۈركىستان دەۋاسىدا ئاكتىپ خىزمەت قىلىشقا تەشكىللەش ۋە كەلگۈسىنىڭ رەھبەرلىرى قىلىپ چىقىش ئۈچۈن تىرىشچانلىق كۆرسىتىپ كېلىۋاتقان يېڭى نەسىل ھەرىكىتى كۈنسېرى كۈچەيمەكتە. بۇنىڭ نامايەندىسى سۈپىتىدە 26-ئاۋغۇستتىن 28-ئاۋغۇستقىچە داۋاملاشقان 3-نۆۋەتلىك خەلقئارا شەرقىي تۈركىستان ياشلار ئۇچرىشىشى ئېچىلدى. ئۇچرىشىشتا شەرقىي تۈركىستان دەۋا سېپىدىكى پېشقەدەملەر دەۋادىكى تەجرىبىلىرىنى سۆزلەپ بەردى. ئۇچرىشىشتا تۈركىيە ئىچى-سىرتىدىن كەلگەن ياشلار جەم بولغان بولۇپ، نۆۋەتتىكى دۇنيا تەرتىپى، شەرقىي تۈركىستاننىڭ نۆۋەتتىكى ۋەزىيىتى، مۇھاجىرەتتە ياشاۋاتقان ئۇيغۇرلارنىڭ بۇ ھەقتىكى مەسئۇلىيىتى قاتارلىق نۇقتىلار مۇزاكىرە قىلىندى.
يىغىننىڭ ئاخىرقى كۈنى شەرقىي تۈركىستان يېڭى ھەرىكىتى رەئىسى ئابدۇسالام تەكلىماكان 3-نۆۋەتلىك خەلقئارا شەرقىي شەرقىي تۈركىستان ياشلار يىغىنىنىڭ خۇلاسە دوكلاتىنى ئوقۇپ ئۆتتى. خۇلاسىدە پىلان ۋە تۈرلەرنى ماسلاشتۇرۇش، كۈچەيتىش دائىرىسىدە چىقىرىلغان قارارلارنىڭ تولۇق ئىجرا قىلىنىشى ئۈچۈن بارلىق تىرىشچانلىقلارنى كۆرسىتىش كېرەكلىكى، بۇ مەسىلىدە دۇنيانىڭ ھەرقايسى جايلىرىدىكى تەشكىلاتلارنىڭ ئورتاق ھەمكارلىق ئورنىتىپ، خىتايغا قارشى كۈچلۈك بىرلىكسەپ ھاسىل قىلىش كېرەكلىكى، ياشلارنىڭ ئەمەلىيەتتە خەلقنىڭ ئۈمىدى ئىكەنلىكى، ھەققانىي كۈرەشتە تېخىمۇ كۆپ تىرىشچانلىق كۆرسىتىش كېرەكلىكى تەكىتلەندى.
تەييارلىغۇچى: ئابدۇخەبەر رەجەپ