- چوڭ ھەجىملىك ئەسەر «تەپسىر جەۋھەرلىرى» نەشردىن چىقتى
- خىتاي ئۈرۈمچىدە ئىشغالىيەت تارىخىنى بۇرمىلايدىغان مەخسۇس يىغىن ئۆتكۈزدى
- خىتايدا قانلىق ھۇجۇملار كۆپىيىپ، ئاممىۋى بىخەتەرلىك تەدبىرلىرى جىددىي كۈچەيتىلگەن
- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
مۇستافا شەنتوپ ئۇيغۇر مەسىلىسىنى ئوتتۇرىغا قويدى
تۈركىيە پارلامېنتى رەئىسى مۇستافا شەنتوپ خىتاي قۇرۇلتىيى دائىمىي كومىتېتىنىڭ رەئىسى لى جاڭشۇ بىلەن ئۆتكۈزگەن سىنلىق يىغىنىدا ئۇيغۇر مەسىلىسىنى ئوتتۇرىغا قويدى.
سىتار تورىنىڭ 24-ئاۋغۇستتىكى خەۋىرىدە بىلدۈرۈلۈشىچە، تۈركىيە پارلامېنتى رەئىسى مۇستافا شەنتوپ پارلامېنتلار ئارا قەرەللىك سۆھبەتلىشىش ۋە ئۆزئارا زىيارەتنى كۆپەيتىش ئارقىلىق ئىككى تەرەپلىك مۇناسىۋەتنى تېخىمۇ كۈچەيتىشنى خالايدىغانلىقىنى بىلدۈرگەن.
ئۇ سۆزىدە: «بىز خىتاي بىلەن بولغان ئىككى تەرەپلىك سودىمىزنى تېخىمۇ تەڭپۇڭ ۋە سىجىل ھالدا داۋاملاشتۇرۇشىمىز كېرەك. خىتاينىڭ تۈركىيەگە سالغان مەبلىغىنىڭ ئېشىشىنى ئۈمىد قىلىمىز» دېگەن.
مۇستافا شەنتوپ سىنلىق يىغىندا يەنە ئۇيغۇر مەسىلىسىنىڭ تۈركىيە ئۈچۈن مۇھىم ئورنى بارلىقىنى بىلدۈرۈپ: «بىزنىڭ ئۇيغۇر تۈركلىرى بىلەن مىللىي، دىنىي ۋە مەدەنىيەت مۇناسىۋىتىمىز بار. تۈركىيەنىڭ بۇ مەسىلىدىكى مەيدانى ئېنىق، سەمىمىي ۋە ئەخلاققا ئۇيغۇن. باشقا دۆلەتلەردە ياشاۋاتقان ئىرقداش ۋە قېرىنداش مىللەتلەرنى ئۇ دۆلەتلەرنىڭ ئىچكى ئىشلىرىغا ئارىلىشىش ئۈچۈن ئىشلىتىدىغان چۈشەنچىمىز يوق. بىز بۇ كىشىلەرنى ئۆز دۆلىتى بىلەن دۆلىتىمىز ئوتتۇرىسىدا كۆۋرۈكلۈك، ھەمكارلىق مۇناسىۋەتلىرىنى تەرەققىي قىلدۇرۇشنىڭ پۇرسىتى دەپ قارايمىز، بىز سىياسىتىمىزنى بۇ يولدا داۋاملاشتۇرىمىز. بىز قېرىنداشلىرىمىزنىڭ ئۆزلىرى تۇرۇۋاتقان دۆلەتتە كىشىلىك ھوقۇقى ۋە ئەركىنلىكى كاپالەتكە ئىگە بولغان بىر مۇھىتتا گۈللىنىش ئىچىدە خاتىرجەم ياشىشىنى، ئۆز دۆلىتىنىڭ ھۆرمەتكە سازاۋەر پۇقراسى بولۇش سۈپىتىدە ياشاۋاتقان دۆلەتلىرىگە تۆھپە قوشۇشىنى ئۈمىد قىلىمىز» دېگەن.
بۇنىڭدىن ئىلگىرى تۈركىيەنى ئۆز ئىچىگە ئالغان 47 دۆلەت خىتاينىڭ شەرقىي تۈركىستاندا ياشاۋاتقان ئۇيغۇر ۋە باشقا مۇسۇلمانلارغا قىلىۋاتقان زوراۋان قىلمىشلىرىنى ئەيىبلىگەن، ب د ت نى شەرقىي تۈركىستانغا دەرھال مۇستەقىل كۆزەتكۈچىلەرنى ئەۋەتىپ تەكشۈرۈشنى تەلەپ قىلغان ھەمدە خىتاينى ب د ت تەكشۈرگۈچىلىرىنىڭ رايوننى زىيارەت قىلىشىغا يول قويۇشقا چاقىرغانىدى.
تەييارلىغۇچى: ئابدۇخەبەر رەجەپ