- چوڭ ھەجىملىك ئەسەر «تەپسىر جەۋھەرلىرى» نەشردىن چىقتى
- خىتاي ئۈرۈمچىدە ئىشغالىيەت تارىخىنى بۇرمىلايدىغان مەخسۇس يىغىن ئۆتكۈزدى
- خىتايدا قانلىق ھۇجۇملار كۆپىيىپ، ئاممىۋى بىخەتەرلىك تەدبىرلىرى جىددىي كۈچەيتىلگەن
- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
تىك توكنىڭ كەم دېگەندە 300 ئىشچىسىنىڭ خىتايغا ئىشلەۋاتقانلىقى ئاشكارىلاندى
TikTok ۋە ئۇنىڭ مەركەز شىركىتى ByteDance دا ئىشلەيدىغان كەم دېگەندە 300 ئىشچىنىڭ ئىلگىرى خىتاي دۆلەت ئورگانلىرىدا ئىشلىگەنلىكى ئوتتۇرىغا چىقتى.
ByteDance ۋە TikTok خىزمەتچىلىرىنىڭ LinkedIn ئارخىپى تەكشۈرۈلگەندە، ئىلگىرى خىتاي تاراتقۇلىرىدا ئىشلىگەن ئىشچىلارنىڭ ھازىر مەزمۇن تەييارلاش، ئىستراتېگىيە تۈزۈش، سىياسەت، ئاممىۋى مۇناسىۋەت، پۇل تېپىش ۋە «ئاخبارات ھەمكارلىقى» قاتارلىق روللاردا ئىشلەۋاتقانلىقى ئوتتۇرىغا چىققان.
ByteDance شىركىتىنىڭ ھازىرقى 15خىزمەتچىسنىڭ ئارخىپى ئۇلارنىڭ ByteDance تېخنىكا شىركىتى ۋە خىتاي ھۆكۈمەت تاراتقۇلىرىدا بىرلا ۋاقىتتا ئىشلەيدىغانلىقىنى ئاشكارىلىدى.
دوكلاتتا: «ByteDance خىزمەتچىلىرىدىن 15 كىشىنىڭ ھازىر شىنخۇا ئاگېنتلىقى، خىتاي خەلقئارا رادىئوسى ۋە خىتاي يەرشارى تېلېۋىزىيىسى قاتارلىق خىتاينىڭ رەسمىي دۆلەت ئاخبارات ۋاسىتىلىرى بىلەن بىرلا ۋاقىتتا ئىشقا ئورۇنلاشقانلىقى كۆرسىتىپ بېرىلگەن».
فوربېس تەرىپىدىن تەكشۈرۈلگەن LinkedIn ئارخىپى «TikTok نىڭ ئانا شىركىتى ByteDance بىلەن خىتاي رېجىمىنىڭ تەشۋىقات قورالى ئوتتۇرىسىدىكى مۇھىم باغلىنىشنى ئاشكارىلىغان بولۇپ، ئۇلار ئىجتىمائىي ئالاقە ۋاسىتىلىرىدىن پايدىلىنىپ خىتاي كومپارتىيىسىگە مۇلازىمەت قىلىشنى ئۆزلىرىنىڭ ۋەزىپىسى قىلغان».
دوكلاتقا قارىغاندا، ByteDance ۋە TikTok ،LinkedIn ئارخىپىدىكى 300 خىزمەتچىگە ئالاقىدار مەلۇماتلارنى ۋە ئۇلارنىڭ خىتاينىڭ دۆلەت تاراتقۇلىرى بىلەن بولغان ئالاقىسىنى رەت قىلمىغان.
ByteDance نىڭ باياناتچىسى ھىيلىگەرلىك بىلەن ئىپادە بىلدۈرۈپ: شىركەت «خىزمەتچى قوبۇل قىلىش قارارىنى پەقەت شۇ كىشىنىڭ كەسپىي ئىقتىدارىغا ئاساسەن قارار قىلىدۇ» دېيىش بىلەن كۇپايىلەندى.
فوربېس ئىلگىرى CCTV ۋە CGTN دا ئىشلىگەن TikTok ۋە ByteDance خىزمەتچىلىرى ھەققىدە 49 LinkedIn ئارخىپىنى بېكىتكەنىدى.
ئۇلارنىڭ ئىچىدە مەركىزىي تېلېۋىزىيە ئىستانسىسىنىڭ (خىتاي دۆلەت تېلېۋىزىيىسى) نىڭ سابىق باش مۇھەررىرى، ھازىر ByteDance نىڭ ئاخبارات مەزمۇنلىرى ھەمكارلىق دېرىكتورى ۋە چەتئەلدىكى ByteDance نىڭ بازار ئاچقۇچىسى بولۇپ، ئارخىپىدا ئۇ يەنىلا مەركىزىي تېلېۋىزىيە ئىستانسىسىنىڭ تەھرىرى دېيىلگەن.
TikTok نىڭ سەتچىلىكلىرىنىڭ كۈنسىرى ئاشكارىلىنىشىغا ئەگىشىپ بەزى دۆلەتلەر چەكلەشكە باشلىغان بولسا، بەزىلىرى ھەرخىل بىخەتەرلىك تەدبىرلىرى ئالماقتا.
تەييارلىغۇچى: ئى. ئۆتكۈر