- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
شەرقىي تۈركىستاندا خىتاي ۋىرۇسى بىلەن يۇقۇملانغۇچى تېزلىكتە كۆپەيمەكتە
شەرقىي تۈركىستاندىكى سەھىيە ساقلىقنى ساقلاش كومىتېتىنىڭ بۈگۈن ئېلان قىلىشىچە، شەرقىي تۈركىستاندا يېڭىدىن 20 ئالامەتسىز يۇقۇملانغۇچى كۆپەيگەن.
خىتاي خەلق تورىنىڭ بۈگۈنكى خەۋىرىدە بىلدۈرۈلۈشىچە، 8- ئاينىڭ 2-كۈنى سائەت 0 دىن 24 كىچە، شەرقىي تۈركىستاندا يېڭىدىن ئېنىق دىياگنوز قويۇلغان يۇقۇملانغۇچى يوق بولۇپ، يېڭىدىن كۆپەيگەن ئالامەتسىز يۇقۇملانغۇچى 20 كىشى ئىكەن. بۇنىڭ ئىچىدە ئىلى ئوبلاستىنىڭ غۇلجا شەھىرىدە 15 يۇقۇملانغۇچى، غۇلجا ناھىيەسىدە 5 يۇقۇملانغۇچى كۆپەيگەن. ئۈرۈمچى شەھىرىدىكى بىر نەپەر ئالامەتسىز يۇقۇملانغۇچىنى ئايرىپ تېببىي كۆزىتىش بىكار قىلىنغان.
8-ئاينىڭ 2-كۈنى سائەت 24 كېچە تەكشۈرۈشتىن مەلۇم بولۇشىچە، نۆۋەتتە شەرقىي تۈركىستاندا جەمئىي ئالامەتسىز يۇقۇملانغۇچى 59 ئىكەن. بۇنىڭ ئىچىدە، ئىلى ئوبلاستىنىڭ غۇلجا شەھىرىدە 46، غۇلجا ناھىيەسىدە 13 بىمار بار ئىكەن.
خىتاي رېجىمى بۇ قېتىملىق خىتاي ۋىرۇسى يۇقۇمى دولقۇنىدا «يۇقۇمنى نۆلگە چۈشۈرۈش» سىياسىتىنى قاتتىق ئىجرا قىلغان بولۇپ، نازارەت ۋە كونتروللۇق تېخىمۇ كۈچەيتىلگەن. بۇ خىتاينىڭ ئىقتىسادىغا زەربە بېرىپلا قالماي، خىتاي پۇقرالىرىنىڭ نارازىلىقىنىمۇ قوزغىغان. ئۇندىن باشقا شەرقىي تۈركىستاندا يىللاردىن بېرى داۋاملىشىۋاتقان باستۇرۇش ۋە كونترول قىلىش سىياسىتىنىڭ خىتاي ۋىرۇسى باھانىسى بىلەن تېخىمۇ كۈچەيتىلگەنلىكى ئىلگىرى سۈرۈلۈپ كەلمەكتە.
تەييارلىغۇچى: ئابدۇخەبەر رەجەپ