- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
خىتاي ۋىرۇس باھانىسى بىلەن غۇلجىنى قامال قىلدى
خىتاي يىللاردىن بېرى شەرقىي تۈركىستان خەلقىنى سىرتقى مۇھىتتىن ئايرىپ كونترول قىلىپ كەلگەن بولۇپ، يىللاردىن بېرى ئاتالمىش «تېررورلۇققا زەربە بېرىش» نامىدا باستۇرۇپ كەلگەن بولسا، يېقىنقى مەزگىللەردە ئاتالمىش «ۋىرۇستىن مۇداپىئەلىنىش» باھانىسى بىلەن تېخىمۇ قاتتىق قامال قىلماقتا.
تەڭرىتاغ تورىنىڭ 2-ئاۋغۇستتىكى خەۋىرىدە بىلدۈرۈلۈشىچە، ئىلى ۋىلايىتىدىكى خىتاي دائىرىلىرى ئاتالمىش «يۇقۇمنىڭ ئالدىنى ئېلىش-تىزگىنلەشتىكى تۈرلۈك تەدبىرلەرنى دەل جايىدا ئەمەلىيلەشتۈرۈش» نامىدا غۇلجا تەۋەسىنى قاتتىق قامال قىلغان. قامال قىلىش تەدبىرى غۇلجىغا كىرگەنلەرنى ئەمەس، بەلكى غۇلجىدىن سىرتقا چىققان كىشىلەرنىمۇ ئۆز ئىچىگە ئالغان.
دائىرىلەر يېقىندا غۇلجىدىن ئايرىلىدىغان خەلقنى تۆمۈريول، ئايرودۇرۇم، تاشيول يولۇچىلار بېكىتى ۋە تاشيول تەكشۈرۈش ئېغىزلىرىدا بەدەن تېمپېراتۇرىسىنى ئۆلچەشنى، ھەم سىرتقا چىقماقچى بولغانلاردا 24 سائەت بۇرۇنقى ساغلاملىق تەكشۈرۈش ئىسپاتى، ساغلاملىق يېشىل كودى ۋە خەۋەرلىشىش چوڭ سانلىق مەلۇمات مۇساپە كارتىسى قاتارلىق رەسمىيەتلەرنىڭ بولۇشىنى تەلەپ قىلغان.
ئۇندىن باشقا غۇلجىدىن ئايرىلغانلاردىن بارماقچى بولغان مەنزىلگە يېتىپ بارغاندىن كېيىنمۇ تەۋەلىكتىكى ئاتالمىش «يۇقۇمنىڭ ئالدىنى ئېلىش-تىزگىنلەش» باھانىسى بىلەن ئوتتۇرىغا چىقارغان قامال قىلىش تەدبىرلىرىگە ماسلىشىشى كېرەكلىكى تەلەپ قىلىنغان.
تەييارلىغۇچى: ئابدۇخەبەر رەجەپ