- چوڭ ھەجىملىك ئەسەر «تەپسىر جەۋھەرلىرى» نەشردىن چىقتى
- خىتاي ئۈرۈمچىدە ئىشغالىيەت تارىخىنى بۇرمىلايدىغان مەخسۇس يىغىن ئۆتكۈزدى
- خىتايدا قانلىق ھۇجۇملار كۆپىيىپ، ئاممىۋى بىخەتەرلىك تەدبىرلىرى جىددىي كۈچەيتىلگەن
- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
تايلاندتىكى ئۇيغۇرلارنىڭ تۇيۇقسىز باڭكوكقا يىغىۋېلىنىشى ئەندىشە قوزغىماقتا
تايلاندتا تۇتۇپ تۇرۇلۇۋاتقان بىر قىسىم ئۇيغۇرلارنىڭ باڭكوڭتىكى بىر تۇتۇپ تۇرۇش مەركىزىگە يىغىۋېلىنىشى ئۇلارنىڭ خىتايغا قايتۇرۇلۇش خەۋپى ھەققىدە قايتىدىن ئەندىشە قوزغىغان بولۇپ، تايلاند ھۆكۈمىتى بۇ ئېھتىماللىقنى ئىنكار قىلغان.
بىر نەچچە كۈندىن بېرى تايلاندنىڭ ئوخشىمىغان جايلىرىدا تۇتۇپ تۇرۇلۇۋاتقان ئۇيغۇرلارنىڭ تۇيۇقسىز تايلاند پايتەختى باڭكوڭتىكى بىر تۇتۇپ تۇرۇش مەركىزىگە يۆتكەلگەنلىكى ھەققىدە خەۋەر تارقالغاندىن كېيىن، ئۇلارنىڭ خىتايغا قايتۇرۇلۇشى مۇمكىنلىكى ھەققىدىكى ئەندىشىلەر كۈچەيگەن.
تايلاند ئاخبارات ئورگانلىرىنىڭ بۇ ھەقتىكى خەۋىرىدە قەيت قىلىنىشىچە، تايلاندىكى ئىسلامىي كېڭەش ۋە باشقا يەتتە ھۆكۈمەتسىز تەشكىلات ئورتاق بايانات ئېلان قىلىپ، مەزكۇر ئۇيغۇرلارنىڭ تەقدىرى ھەققىدىكى ئەندىشىلىرىنى ئوتتۇرىغا قويغان ۋە ھۆكۈمەتتىن بۇ توغرۇلۇق چۈشەنچە بېرىشنى تەلەپ قىلغان.
تايلاندىكى خەلق ھوقۇقى فوندىنىڭ رەئىسى چالىدا تاجاروئېنسۇك ئۇيغۇرلارنىڭ باڭكوكقا يىغىۋېلىنىشىنىڭ بىر نەچچە ھەپتە بۇرۇن يۈز بەرگەن ئۈچ ئۇيغۇرنىڭ قېچىپ كېتىش ۋەقەسى بىلەن مۇناسىۋەتلىك بولۇشى مۇمكىنلىكىنى بىلدۈرگەن ۋە: «خەۋەر مەنبەيىمىز بىزگە ئۇيغۇرلارنىڭ دۆلەتنىڭ ھەرقايسى جايلىرىدىكى تۇتۇپ تۇرۇش مەركەزلىرىدىن يىغىۋېلىنغانلىقىنى، ھازىر ئۇلارنىڭ ھەممىسىنىڭ سۇئان پىلۇ كۆچمەنلەر يىغىۋېلىش مەركىزىدە ئىكەنلىكىنى ئېيتتى. ئۇلارنىڭ خىتاينىڭ بېسىمى ئاستىدا قايتۇرۇپ بېرىلىشىدىن ئەندىشە قىلىۋاتىمىز. ھازىرچە پەقەت ئۇلارنىڭ شۇ جايدا تۇتۇپ تۇرۇلۇۋاتقانلىقىنى بىلىمىز» دېگەن.
ئىلگىرى سۈرۈلۈشىچە، نۆۋەتتە تايلاندتا تۇتۇپ تۇرۇلۇۋاتقان ئۇيغۇرلارنىڭ سانى 56 بولۇپ، تەخمىنەن ئىككى ھەپتە بۇرۇن ئۈچ ئۇيغۇرنىڭ پىراچۇپ خېرىخان ئۆلكىسىدىكى تۇتۇپ تۇرۇش مەركىزىدىن قېچىپ كەتكەنلىكى خەۋەر قىلىنغانىدى. نۆۋەتتە ئۇلارنىڭ ھازىرغىچە ھېچقانداق ئىز-دېرىكى بولمىغان.
تايلاند ھۆكۈمىتى 2015-يىلى 7-ئايدا كۆپىنچىسى ئاياللار ۋە بالىلار بولۇپ، 173 ئۇيغۇرنى تۈركىيەگە يولغا سالغان بولۇپ، بىر ھەپتىدىن كېيىن 109 ئۇيغۇرنى خىتايغا ئۆتكۈزۈپ بەرگەنىدى. نۆۋەتتە مۇھاجىرەتتىكى شەرقىي تۈركىستانلىقلار ۋە ئىنسان ھەقلىرى تەشكىلاتلىرى بۇ پاجىئەنىڭ قايتا تەكرارلىنىشىدىن ئەندىشە قىلماقتا.
تەييارلىغۇچى: ي. قۇرۇم