- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
شەرقىي تۈركىستاندا 4.8 بال يەر تەۋرىدى
20-ئىيۇل شەرقىي تۈركىستاننىڭ سانجى شەھىرىدە 4.8 بال يەر تەۋرىگەن بولۇپ، بارلىق شەھەر ئاھالىسى كۈچلۈك تەۋرەشنى ھېس قىلغان.
خىتاي يەر تەۋرەش تورىنىڭ خەۋەر قىلىشىچە، 20-ئىيۇل ئۈرۈمچى ۋاقتى 8 دىن 33 مىنۇت ئۆتكەندە، شەرقىي تۈركىستاننىڭ سانجى شەھىرى (شىمالىي كەڭلىك 44.46 گىرادۇس، شەرقىي ئۇزۇنلۇق 87.15 گىرادۇس) دائىرىسىدە 4.8 بال يەر تەۋرىگەن. تەۋرەش چوڭقۇرلۇقى 23 كىلومېتىر بولۇپ، تەخمىنەن 10 سېكۇنت داۋاملاشقان.
خىتاي خەۋەرلىرىدىن مەلۇم بولۇشىچە، تەۋرەش رايونىدىكى 20 كىلومېتىرلىق دائىرە ئىچىدە ئادەم شالاڭ بولۇپ، 50 كىلومېتىرلىق دائىرە ئىچىدە 1500 گە ئاھالە بارلىقى ئىلگىرى سۈرۈلگەن. خەۋەردە يەر تەۋرەش مەركىزىنىڭ دېڭىز يۈزىدىن تەخمىنەن 427 مېتىر ئېگىزلىكتە ئىكەنلىكى، تەۋرەش رايونىنىڭ سانجى شەھىرىدىن 50 كىلومېتىر، ئۈرۈمچى شەھىرىدىن 74 كىلومېتىر يىراقلىقتا ئىكەنلىكى بىلدۈرۈلگەن.
مەلۇم بولۇشىچە، يېقىنقى بەش يىل ئىچىدە مەزكۇر رايوندا 3 بالدىن يۇقىرى 39 قېتىم يەر تەۋرىگەن بولۇپ، ئەڭ ئېغىر تەۋرىگىنى بۇ قېتىملىقى ئىكەن.
خەۋەردە يەر تەۋرەش يۈز بەرگەندىن كېيىن سانجى ئوبلاستىدىكى ئوت ئۆچۈرۈش تارماقلىرىنىڭ يەر تەۋرەش مەركىزىگە تەكشۈرۈشكە ئەۋەتىلگەنلىكى، نۆۋەتتە تەۋرەش رايونىدىن تالاپەتكە ئۇچرىغان ياكى ئۆي ئۆرۈلۈپ چۈشكەن خەۋەرلەرنى تاپشۇرۇۋالمىغانلىقى قەيت قىلىنغان.
تەييارلىغۇچى: ئابدۇخەبەر رەجەپ