- چوڭ ھەجىملىك ئەسەر «تەپسىر جەۋھەرلىرى» نەشردىن چىقتى
- خىتاي ئۈرۈمچىدە ئىشغالىيەت تارىخىنى بۇرمىلايدىغان مەخسۇس يىغىن ئۆتكۈزدى
- خىتايدا قانلىق ھۇجۇملار كۆپىيىپ، ئاممىۋى بىخەتەرلىك تەدبىرلىرى جىددىي كۈچەيتىلگەن
- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
ئامېرىكا: فىلىپپىن خىتاينىڭ ھۇجۇمىغا ئۇچرىسا قوغداش مەجبۇرىيىتىمىز بار
ئامېرىكا تاشقى ئىشلار مىنىستىرى خىتاينى ئاگاھلاندۇرۇپ، ئەگەر فىلىپپىن دېڭىز رايونىدا خىتاينىڭ ھۇجۇمىغا ئۇچرىغان تەقدىردە، ئامېرىكىنىڭ فىلىپپىننى قوغداش مەسئۇلىيىتى بارلىقىنى تەكىتلىدى.
ئامېرىكا تاشقى ئىشلار مىنىستىرى ئانتونى بىلىنكېن بىر نەچچە كۈن بۇرۇنقى باياناتىدا خىتاينى ئاگاھلاندۇرۇپ، ئەگەر فىلىپپىننىڭ ھەربىي قىسىملىرى، پاراخوتلىرى ياكى ئايروپىلانلىرى جەنۇبىي دېڭىزدىكى تالاش-تارتىشلىق رايوندا خىتاينىڭ ھۇجۇمىغا ئۇچرىغان تەقدىردە، ئامېرىكىنىڭ بۇ ئىتتىپاقداش دۆلىتىنى قوغداش مەسئۇلىيتى بارلىقىنى تەكىتلىگەن ۋە يەنە بىر قېتىم خىتاينى خەلقئارالىق قانۇنلارغا رىئايە قىلىشقا، جەنۇبىي دېڭىزدىكى ئىغۋاگەرچىلىك قىلمىشلىرىنى توختىتىشقا چاقىرغان.
مەلۇم بولۇشىچە، 12-ئىيۇل خەلقئارا كېسىم سوتىنىڭ «بىرلەشكەن دۆلەتلەر تەشكىلاتى دېڭىز-ئوكيان قانۇنى ئەھدىنامىسى»گە ئاساسەن، فىلىپپىن ھۆكۈمىتىنىڭ جەنۇبىي دېڭىزدىكى تالاش-تارتىش سەۋەبلىك خىتاي ئۈستىدىن سۇنغان ئەرزىگە كېسىم چىقارغانلىقىنىڭ ئالتە يىللىقى ئىكەن. بۇ مۇناسىۋەت بىلەن ئامېرىكا تاشقى ئىشلار مىنىستىرى بىلىنكېن 11-ئىيۇل بايانات ئېلان قىلىپ، يۇقىرىقى سۆزلىرىنى تەكىتلىگەن.
ئەينى ۋاقىتتا خەلقئارا كېسىم سوتى خىتاينىڭ جەنۇبىي دېڭىزدىكى بىر قىسىم ئىگىلىك ھوقۇق تەلىپىنى رەت قىلغان ۋە ئىغۋاگەرچىلىك ھەرىكەتلىرىنى توختىتىشنى تەلەپ قىلغان. ھالبۇكى، خىتاي ئىزچىل ھالدا مەزكۇر ھۆكۈمنىڭ ئىناۋەتسىز ئىكەنلىكى، بۇنى ئېتىراپ قىلمايدىغانلىقى، مەزكۇر دېڭىز رايونىدىكى ئىگىلىك ھوقۇقىنى قوغدايدىغانلىقى ھەققىدە جار سېلىپ كەلمەكتە.
تەييارلىغۇچى: ي. قۇرۇم