- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
تەشكىلاتلار بىرلىكى شىنزو ئابې ھەققىدە تەزىيەنامە ئېلان قىلدى
ياپونىيەنىڭ سابىق باش ۋەزىرى شىنزو ئابې 8-ئىيۇل نارا شەھىرىدە لېبىرال دېموكراتلار پارتىيەسى (يەنى ئۇيغۇر قىز ئەرفىيە ئەلى تەۋە بولغان پارتىيە) نامزاتىنىڭ كېڭەش پالاتاسى سايلىمىدا ئۇتۇپ چىقىشىغا سەپەرۋەرلىك قىلىش ئۈچۈن نۇتۇق سۆزلەۋاتقاندا، قوراللىق ھۇجۇمغا ئۇچراپ قۇتقۇزۇش ئۈنۈم بەرمەي قازا قىلغانىدى. بۇ مۇناسىۋەت بىلەن خەلقئارا شەرقىي تۈركىستان تەشكىلاتلار بىرلىكى تەزىيەنامە ئېلان قىلدى.
باياناتتا: «يىللاردىن بۇيان شەرقىي تۈركىستان دەۋاسىغا قوشقان تۆھپىسى ۋە مەۋقەسى بىلەن تونۇلغان، ياپونىيە پارلامېنتى ئۇيغۇر دوستلۇق گۇرۇپپىسىنىڭ قۇرغۇچىسى ۋە خەلقىمىزنىڭ دوستى سابىق ياپونىيە باش ۋەزىرى شىنزو ئابېنىڭ سۇيىقەستكە ئۇچراپ ھاياتىدىن ئايرىلغانلىقىدىن قايغۇ ئىچىدە خەۋەر تاپتۇق. خەلقئارا شەرقىي تۈركىستان تەشكىلاتلار بىرلىكى ۋە پۈتۈن شەرقىي تۈركىستان خەلقى نامىدىن ياپون خەلقى ۋە ئۇنىڭ ئائىلىسىدىن ھال سورايمىز» دېگەنلەر بىلدۈرۈلدى.
مەلۇم بولۇشىچە، ھۇجۇم قىلغۇچى 41 ياشلىق بىر ياپونلۇق ئەر بولۇپ، بۇرۇن ياپونىيە قوغدىنىش قىسمىدا ھەربىي ۋەزىپە ئۆتىگەنىكەن. ئەمما ئۇنىڭ بۇ قېتىملىق قوراللىق ھۇجۇمدىكى مەقسىتى ھازىرچە نامەلۇم بولۇپ، ۋەقە يۈز بەرگەندىن كېيىن نەق مەيداندىلا كونترول قىلىنغان.
شىنزو ئابې 2005-يىلى ۋە 2012-يىلى ئىككى قېتىم ياپونىيە باش ۋەزىرى بولغان بولۇپ، ياپونىيە تارىخىدىكى ئەڭ ئۇزۇن ۋەزىپە ئۆتىگەن باش ۋەزىر بولۇپ ھېسابلىنىدۇ. ئۇ 2020-يىلى تەن سالامەتلىكى سەۋەبلىك باش ۋەزىرلىكتىن ئىستېپا سورىغانىدى.
شىنزو ئابې ۋەزىپە ئۆتىگەن مەزگىللىرىدە خىتاينىڭ نارازىلىقىغا قارىماي، ياسوكونى ئىبادەتخانىسىنى كۆپ قېتىم زىيارەت قىلغان ۋە ياپونىيەنىڭ سېنكاكۇ ئارىلىدىكى ئىگىلىك ھوقۇقىنى تەكىتلەپ كەلگەن. بۇ سەۋەبلىك ياپونىيە-خىتاي مۇناسىۋىتى ئىزچىل يىرىكلىشىپ ماڭغان. ئۇندىن باشقا شىنزو ئابې ھۆكۈمىتى خىتايغا قارشى ئامېرىكا بىلەن ئىتتىپاقلىقنى ۋە ھەمكارلىقنى كۈچەيتكەن بولۇپ، شىنزو ئابې ۋە تىرامپ دەۋرىدە ئىككى دۆلەت مۇناسىۋىتى يېڭى بىر پەللىگە كۆتۈرۈلگەنىدى. ئۇ يەنە بىر تۈركۈم شەرقىي تۈركىستان تەشكىلاتلىرىنىڭ ۋەكىللىرىنى قوبۇل قىلىپ، بۇ مەسىلىدىكى مەيدانىنى ئىپادە قىلغانىدى.
تەييارلىغۇچى: ئى. ئۆتكۈر