- چوڭ ھەجىملىك ئەسەر «تەپسىر جەۋھەرلىرى» نەشردىن چىقتى
- خىتاي ئۈرۈمچىدە ئىشغالىيەت تارىخىنى بۇرمىلايدىغان مەخسۇس يىغىن ئۆتكۈزدى
- خىتايدا قانلىق ھۇجۇملار كۆپىيىپ، ئاممىۋى بىخەتەرلىك تەدبىرلىرى جىددىي كۈچەيتىلگەن
- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
ئامېرىكىنىڭ چارلىغۇچى ئايروپىلانى تەيۋەن بوغۇزىنى كېسىپ ئۆتتى
خىتاي تەيۋەن بوغۇزىدىكى زېمىن دەۋاسى ۋە زومىگەرلىكىنى كۈچەيتىۋاتقان بىر پەيتتە، ئامېرىكىنىڭ سۇ ئاستى پاراخوتىغا قارشى «P-8A» تىپلىق چارلىغۇچى ئايروپىلانى تەيۋەن بوغۇزىنى كېسىپ ئۆتتى.
خىتاي خەلق تورىنىڭ بۈگۈنكى خەۋىرىدە بىلدۈرۈلۈشىچە، خىتاي ئارمىيەسى شەرقىي قىسىم ئۇرۇش رايونىنىڭ ئاخبارات باياناتچىسى ئامېرىكىنىڭ سۇ ئاستى پاراخوتىغا قارشى «P-8A» چارلىغۇچى ئايروپىلانىنىڭ تەيۋەن بوغۇزىدىن ئۇچۇپ ئۆتكەنلىكىگە نارازىلىق بىلدۈرگەن.
نارازىلىق باياناتىدا: «24-ئىيۇن ئامېرىكىنىڭ سۇ ئاستى پاراخوتىغا قارشى P-8A تىپلىق چارلىغۇچى ئايروپىلانى تەيۋەن بوغۇزىنى كېسىپ ئۆتتى ھەمدە ئۆزىنى ئاشكارا كۆز-كۆز قىلدى. خىتاي ئارمىيەسى شەرقىي قىسىم ئۇرۇش رايونى تەشكىللىگەن ھاۋا بوشلۇقى ۋە يەر يۈزىدىكى ھەربىي كۈچى ئامېرىكا ئايروپىلانىنىڭ ھەرىكىتىنىڭ پۈتۈن جەريانىنى نازارەت قىلىپ كۆزەتتى. ئامېرىكىنىڭ قىلمىشى رايون ۋەزىيىتىگە قەستەن كاشىلا تۇغدۇرۇپ، تەيۋەن بوغۇزىنىڭ تىنچلىقى ۋە مۇقىملىقىغا زىيان يەتكۈزدى. بىز بۇنىڭغا قەتئىي قارشى تۇرىمىز. ئۇرۇش رايونىدىكى قىسىملار ھەر ۋاقىت يۈكسەك ھوشيارلىقنى ساقلاپ، دۆلەتنىڭ ئىگىلىك ھوقۇقى ۋە زېمىن پۈتۈنلۈكىنى قوغدايدۇ» دەپ جار سېلىنغان.
يېقىنقى يىللاردىن بېرى خىتاينىڭ تەيۋەن بوغۇزىدىكى زېمىن دەۋاسى ۋە ئىغۋاگەرچىلىك ھەرىكەتلىرى داۋاملىق كۈچەيگەن بولۇپ، رايوندىكى دۆلەتلەرگە كۆپلىگەن ئاۋارىچىلىكلەرنى تۇغدۇرغان. بۇ سەۋەبلىك ئامېرىكا باشچىلىقىدىكى غەرب ئەللىرى تەيۋەن قاتارلىق رايوندىكى دۆلەتلەرنى خىتايغا قارشى قوللاش بىلەن بىرگە، رايوندىكى ھەربىي تەسىرىنى كۈچەيتمەكتە.
تەييارلىغۇچى: ئابدۇخەبەر رەجەپ