- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
ھىندىستاندىكى مۇسۇلمانلار تەشكىلاتىنىڭ مەسئۇللىرى تەشكىلاتلار بىرلىكىنى زىيارەت قىلدى
خەلقئارا شەرقىي تۈركىستان تەشكىلاتلار بىرلىكى 22-ئىيۇن ھىندىستاندىن كەلگەن «پارلاق ھىندىستان ۋەقفى»نىڭ رەئىسى ئابدۇلەتىف كالور باشچىلىقىدىكى ھەيئەتنى شەرقىي تۈركىستان مائارىپ ۋە ھەمكارلىق جەمئىيىتى ئىشخانىسىدا كۈتۈۋالدى.
مېھمانلارنى خەلقئارا شەرقىي تۈركىستان تەشكىلاتلار بىرلىكى رەئىسى ھىدايەتۇللاھ ئوغۇزخان، شەرقىي تۈركىستان مائارىپ ۋە ھەمكارلىق جەمئىيىتى باش كاتىپى ئابدۇلئەھەد ئابدۇراھمان، سۇتۇق بۇغراخان ئىلىم ۋە مەدەنىيەت ۋەقفى مۇئاۋىن رەئىسى ئابدۇرېشىت ئەمىن قاتارلىقلار بىرلىكتە كۈتۈۋالدى.
كۆرۈشۈشتە مېھمانلارغا شەرقىي تۈركىستاننىڭ قىسقىچە تارىخى، نۆۋەتتىكى جىددىي ۋەزىيىتى، خىتاينىڭ شەرقىي تۈركىستاندا ئىجرا قىلىۋاتقان ئىرقىي قىرغىنچىلىق جىنايىتى تونۇشتۇرۇلدى، شۇنداقلا شەرقىي تۈركىستان مەسىلىسىنى ھىندىستان مۇسۇلمانلىرىغا تونۇتۇش مەسىلىسى ھەققىدە ئۆزئارا پىكىر ئالماشتۇرۇلدى.
«پارلاق ھىندىستان ۋەقفى» ھىندىستاندىكى مۇسۇلمانلار تەشكىلاتلىرى ئىچىدە ئوقۇ-ئوقۇتۇش، مەدەنىيەت، ئىجتىمائىي ياردەم ساھەسىدە ئۈنۈملۈك خىزمەتلەرنى قىلىۋاتقان، بەلگىلىك تەسىرگە ئىگە ئىسلامىي جەمئىيەت بولۇپ، ئۇلار بۇ قېتىملىق ئۇچرىشىشتا شەرقىي تۈركىستان مۇسۇلمانلىرى بىلەن بولغان ئالاقە ۋە ھەمكارلىقنى كۈچەيتىشنى ئۈمىد قىلىدىغانلىقىنى بىلدۈردى.
تەييارلىغۇچى: ئابدۇخەبەر رەجەپ