- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
تەشكىلاتلار بىرلىكىنىڭ ئىدارە ھەيئەت يىغىنىدا بىر قىسىم قارارلار چىقىرىلدى
خەلقئارا شەرقىي تۈركىستان تەشكىلاتلار بىرلىكى ئىدارە ھەيئەت ئەزالىرى 20-ئىيۇن ئىستانبۇلدا مۇزاكىرە يىغىن ئېچىپ، بۇ يىللىق كۈنتەرتىپتىكى تېمىلارنى مۇزاكىرە قىلدى ھەمدە بىر قىسىم مۇھىم ئورۇنلاشتۇرۇشلار ھەققىدە قارار چىقاردى.
خەلقئارا شەرقىي تۈركىستان تەشكىلاتلار بىرلىكى رەئىسى ھىدايەتۇللاھ ئوغۇزخاننىڭ رىياسەتچىلىكىدە ئېچىلغان، ھەرقايسى ئەزا تەشكىلاتلارنىڭ مەسئۇللىرى ياكى ۋەكىللىرى قاتناشقان يىغىندا 5-ئىيۇل ئۈرۈمچى قىرغىنچىلىقىنىڭ 13 يىللىقى مۇناسىۋىتى بىلەن خىتايغا قارشى ئۆتكۈزۈلىدىغان پائالىيەتلەر، بۇ يىللىق قۇربان ھېيتلىق يىغىلىش پائالىيىتى، دۇنيا شەرقىي تۈركىستانلىقلار قېرىنداشلىق ئۇچرىشىشى ۋە مىللىي بىرلىك شۇراسىنىڭ بۇ يىللىق خىزمەت كۈنتەرتىپى قاتارلىق مەسىلىلەر مۇزاكىرە قىلىندى.
مۇزاكىرە قىلىش ئارقىلىق ئۈرۈمچى قىرغىنچىلىقىنىڭ 13 يىللىقى مۇناسىۋىتى بىلەن ھەر يىلى ئۆتكۈزۈلۈپ كېلىۋاتقان خىتايغا قارشى نامايىشنى بۇ يىلمۇ ئوخشاشلا 5-ئىيۇل سائەت 11:00 دە خىتاينىڭ ئىستانبۇلدىكى باش كونسۇلخانىسى ئالدىدا ئۆتكۈزۈش قارار قىلىندى.
يىغىندا يەنە بۇ يىللىق قۇربان ھېيتتا مۇھاجىرەتتىكى شەرقىي تۈركىستان خەلقىنى جەم قىلىش ئۈچۈن، كوللېكتىپ ھېيتلىشىش پائالىيىتىنى قۇربان ھېيتنىڭ ئۈچىنچى كۈنىگە ئورۇنلاشتۇرۇش قارار قىلىندى.
ئۇندىن باشقا ھەيئەت ئەزالىرى يەنە بۇ يىل ئۆتكۈزۈلىدىغان 14-نۆۋەتلىك دۇنيا شەرقىي تۈركىستانلىقلار قېرىنداشلىق ئۇچرىشىشى ۋە 5-نۆۋەتلىك مىللىي بىرلىك شۇراسىغا ئالاقىدار خىزمەت كۈنتەرتىپىنى مۇزاكىرە قىلىپ، ئالاقىدار قارارلارنى بېكىتتى.
تەييارلىغۇچى: ئابدۇخەبەر رەجەپ