- چوڭ ھەجىملىك ئەسەر «تەپسىر جەۋھەرلىرى» نەشردىن چىقتى
- خىتاي ئۈرۈمچىدە ئىشغالىيەت تارىخىنى بۇرمىلايدىغان مەخسۇس يىغىن ئۆتكۈزدى
- خىتايدا قانلىق ھۇجۇملار كۆپىيىپ، ئاممىۋى بىخەتەرلىك تەدبىرلىرى جىددىي كۈچەيتىلگەن
- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
گوللاندىيە پارلامېنتىدا ئۇيغۇرلار توغرۇلۇق يىغىن ئۆتكۈزۈلدى
گوللاندىيە پارلامېنتىدا ئۇيغۇرلارنىڭ نۆۋەتتىكى ۋەزىيىتى ۋە ب د ت كىشىلىك ھوقۇق ئالىي ئەمەلدارى مىشېل باچېلېتنىڭ شەرقىي تۈركىستان زىيارىتى ھەققىدە يىغىن ئۆتكۈزۈلدى.
18-ماي گوللاندىيە پارلامېنتىدا ئۇيغۇرلار دۇچ كېلىۋاتقان مۇھىم مەسىلىلەر ھەققىدە يىغىن ئېچىلغان بولۇپ، يىغىنغا ياۋروپا شەرقىي تۈركىستان مائارىپ جەمئىيىتىنىڭ باش كاتىپى ئوبۇلقاسىم ئابدۇلئەزىز ئەپەندى بىلەن لاگېر شاھىتى قەلبىنۇر سىدىق خانىم قاتناشقاندىن باشقا، گوللاندىيەنىڭ ھاكىمىيەت بېشىدىكى خەلق ئەركىنلىكى ۋە دېموكراتىيە پارتىيەسى، خىرىستىيان دېموكراتچىلار پارتىيەسى ۋە ئۇيغۇرلارنى قوللاپ كېلىۋاتقان كۆچمەنلەرنىڭ ھەق-ھوقۇقىنى قوغداش پارتىيەسىنىڭ پارلامېنت ئەزالىرى قاتناشقان.
ئوبۇلقاسىم ئەپەندى بۇ ھەقتە زىيارىتىمىزنى قوبۇل قىلىپ، گوللاندىيە پارلامېنتىدىكى بۇ يىغىننىڭ مەقسىتىنىڭ گوللاندىيە ھۆكۈمىتىگە شەرقىي تۈركىستاننىڭ نۆۋەتتىكى ئومۇمىي ۋەزىيىتى ھەققىدە مەلۇمات بېرىش ئىكەنلىكىنى بىلدۈردى. بۇ مۇناسىۋەت بىلەن ئوبۇلقاسىم ئەپەندى ۋە قەلبىنۇر خانىم يىغىندا ئۇيغۇرلارنىڭ ھازىرقى ئېغىر ۋەزىيىتىنى تونۇشتۇرغان ھەمدە ئۇيغۇرلارنىڭ بىر قىسىم تەلەپلىرىنى يەتكۈزگەن. گوللاندىيە پارلامېنتىدىكى ئۈچ پارتىيەنىڭ مەسئۇللىرى قەلبىنۇر خانىمنىڭ گۇۋاھلىق سۆزلىرىگە جىددىي پوزىتسىيەدە بولغان.
ياۋروپا ئىتتىپاقىغا ئەزا دۆلەتلەر ئىچىدە گوللاندىيە پارلامېنتى شەرقىي تۈركىستاندىكى ئىرقىي قىرغىنچىلىقنى تۇنجى بولۇپ ئېتىراپ قىلغان بولۇپ، خىتاينىڭ شەرقىي تۈركىستاندىكى تېررور سىياسىتى ئېغىرلاشقاندىن بۇيان، بۇ مەسىلىگە ئىزچىل كۆڭۈل بۆلۈپ كېلىۋاتقان دۆلەتلەرنىڭ بىرى بولۇپ ھېسابلىنىدۇ.
تەييارلىغۇچى: ئابدۇخەبەر رەجەپ