- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
تەشكىلاتلار بىرلىكى تۈركىيە پىرېزىدېنتى ئورۇنلاشتۇرغان ئىپتار پائالىيىتىگە قاتناشتى
خەلقئارا شەرقىي تۈركىستان تەشكىلاتلار بىرلىكى تۈركىيە پىرېزىدېنتى رەجەب تاييىپ ئەردوغان ئورۇنلاشتۇرغان ئىپتار پائالىيىتىگە تەكلىپ بىلەن ئىشتىراك قىلدى.
تۈركىيەدە پائالىيەت قىلىۋاتقان ئاممىۋى تەشكىلاتلار ئۈچۈن ئورۇنلاشتۇرۇلغان ئىپتار پائالىيىتى 27-ئاپرېل كەچتە دولماباغچىسى سارىيىدا ئۆتكۈزۈلگەن بولۇپ، ئىپتار پائالىيىتىگە خەلقئارا شەرقىي تۈركىستان تەشكىلات بىرلىكىگە ۋاكالىتەن تەشكىلاتلار بىرلىكى رەئىسى ھىدايەتۇللاھ ئوغۇزخان بىلەن سۇتۇق بۇغراخان ئىلىم ۋە مەدەنىيەت ۋەقفى رەئىسى دوكتور ئابدۇخالىق ئۇيغۇر ئىشتىراك قىلدى. مەزكۇر پائالىيەتكە يەنە شەرقىي تۈركىستان دەۋاسىغا ئىزچىل كۆڭۈل بۆلۈپ كەلگەن يازغۇچى، ژۇرنالىست خالىس ئۆزدەمىر قاتارلىق بىر قىسىم ئەربابلارمۇ قاتناشقان.
ئىپتاردىن بۇرۇن سۆز قىلغان پىرېزىدېنت ئەردوغان تۈركىيەنىڭ يېقىنقى مەزگىللەردە قولغا كەلتۈرگەن ئىقتىساد، ئىچكى-تاشقى سىياسەتتىكى ئۇتۇقلىرىنى، جۈملىدىن تۈركىيەنىڭ يېقىنقى يىللاردا قولغا كەلتۈرگەن ئېكسپورت ساھەسىدىكى ئۇتۇقلىرىنى، بۇ ساھەدە رېكورت ياراتقانلىقىنى تىلغا ئېلىپ ئۆتكەن.
تەييارلىغۇچى: ئابدۇخەبەر رەجەپ