- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
فىرانسىيەدە مەسچىت تاقاش قارارى تۇنجى قېتىم رەت قىلىندى
فىرانسىيە ئالىي سوت مەھكىمىسى يەرلىك ھۆكۈمەتنىڭ مەسچىتنى تاقاش قارارىنى تۇنجى قېتىم رەت قىلدى.
ئەلجەزىرە تورىنىڭ خەۋىرىدە بىلدۈرۈلۈشىچە، 26-ئاپرېل فىرانسىيەنىڭ ئالىي سوت مەھكىمىسى ئىچكى ئىشلار مىنىستىرلىقى سۇنغان فىرانسىيەنىڭ غەربىي جەنۇبىغا جايلاشقان پېساك شەھىرىدىكى بىر مەسچىتنى ئالتە ئاي تاقاش توغرىسىدىكى ئەرزنى رەت قىلغان.
بىلدۈرۈلۈشىچە، ئىچكى ئىشلار مىنىستىرلىكىنىڭ پېساك شەھىرىدىكى يەرلىك ئىشخانىسى 14-مارت «رادىكال ئىسلام ئەقىدىسىنى تەشۋىق قىلىش، ئۆچمەنلىككە قۇتراتقۇلۇق قىلىش ۋە تېررورلۇقنى ئاقلاش»نى باھانە قىلىپ مەسچىتنى تاقىغان. يەرلىك مەمۇرىي سوت مەسچىت تاقىلىپ ئون كۈن ئۆتكەندە مەسچىتنى قايتا ئېچىۋېتىش ھەققىدە ھۆكۈم چىقارغان. مەسچىتنىڭ ئېچىۋېتىلگەنلىكىگە نارازى بولغان يەرلىك ھۆكۈمەت ئالىي سوت مەھكىمىسىگە نارازىلىق ئەرزى سۇنغان.
پارلامېنت بۇ سەيشەنبە يەرلىك ھۆكۈمەتنىڭ نارازىلىق ئەرزىنى رەت قىلغان بولۇپ، ئەدلىيە ھۆججەت مەزمۇنىدا: «مەسچىتنى تاقاش ئىبادەت قىلىش ئەركىنلىكىنى قانۇنسىز چەكلەشتىن ئىبارەت خەتەرلىك ئەھۋال» دېيىلگەن.
بۇ فىرانسىيە ئالى سوت مەھكىمىسىنىڭ مەسچىت تاقاش قارارىنى تۇنجى قېتىم رەت قىلىشى ئىكەن. بۇ ھۆججەت فىرانسىيە ئاخبارات مۇلازىمەت ئورگىنى تەرىپىدىن تەييارلانغان بولۇپ، كىشىلىك ھوقۇق تەشكىلاتلىرى ۋە ئادۋوكاتلار مەسچىت تاقاش دېموكراتىك ئەركىنلىككە دەخلى-تەرۇز قىلىدىغان قىلمىش، دەپ قارىغان.
مەسچىتنىڭ ئادۋوكاتى پېساك مەسچىتىنىڭ ئوچۇق ۋە تىنچ دۇئا-تىلاۋەت سورۇنى ئىكەنلىكىنى، مەسچىت جامائىتىنىڭ ئىككى قېتىملىق ئىسپات ئاڭلاش يىغىلىشى جەريانىدا سوتنىڭ ئالدىدا ئۆزىنى قوغداش يىغىلىشى ئۆتكۈزگەنلىكىنى، مەسچىتنىڭ تېررورلۇققا قۇتراتقۇلۇق قىلىش بىلەن ھېچقانداق باغلىنىشى يوقلۇقىنى بىلدۈرگەن.
ئۇ بۇ ھەقتە يەنە: «مەزكۇر سوت قارارى ئۆتكەن بىر نەچچە ئايدا مەسچىتلەرنىڭ ئارقا-ئارقىدىن تاقىلىش ۋەزىيىتىنى ئاستىلىتىشتا قانۇنىي ئۈلگە تىكلەپ بەردى» دېگەن.
تەييارلىغۇچى: ئابدۇخەبەر رەجەپ