- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
شىۋېتسىيەدە بىر رادىكال ئۇنسۇر قۇرئان كۆيدۈردى
شىۋېتسىيەدە دانىيەلىك بىر رادىكال ئۇنسۇر ساقچىلارنىڭ ھىمايىسى ئاستىدا قۇرئان كەرىمنى كۆيدۈرگەن بولۇپ، رايوندىكى مۇسۇلمانلار بۇنىڭغا قارشى نامايىش قىلغان.
ئەلجەزىرە تورىنىڭ خەۋىرىدە بىلدۈرۈلۈشىچە، دانىيە قاتتىق يول پارتىيەسىنىڭ رەھبىرى راسمۇس پالۇدان 14-ئاپرېل ساقچىلارنىڭ قوغدىشى ئاستىدا، شىۋېتسىيەنىڭ جەنۇبىدىكى لىنكوپىڭدا قۇرئان كەرىمنى كۆيدۈرگەن.
پالۇدان ساقچىلارنىڭ قوغدىشى ئاستىدا مەزكۇر شەھەردىكى مۇسۇلمانلار توپلىشىپ ئولتۇراقلاشقان رايونغا كېلىپ، ئەتراپىدىكى 200 دەك كىشىنىڭ ئەيىبلەشلىرىگە قۇلاق سالماي، قۇرئان كەرىمنى كۆيدۈرگەن. نەق مەيداندىكى كىشىلەر ساقچىلارغا تېلېفون قىلىپ، مەزكۇر ئىرقچىنىڭ ئىغۋاگەرچىلىك قىلمىشىغا يول قويماسلىق ھەققىدە مۇراجىئەت قىلغان بولسىمۇ، بىراق ساقچىلار بۇنىڭغا جاۋاب قايتۇرمىغان. نەتىجىدە غەزەپلەنگەن بىر تۈركۈم كىشىلەر رايوندىكى بىر يولنى توسۇۋالغان ھەمدە قۇرئان كۆيدۈرگەن رادىكالنى قوغداپ تۇرغان ساقچىلارغا تاش ئاتقان.
شىۋېتسىيەدىكى «پەرقلىق رەڭلەر پارتىيەسى»نىڭ باشلىقى مىكائىل يۈكسەلنىڭ ئېيتىشىچە، ئىرقچى پالۇدان مۇسۇلمانلارغا قارشى شىۋېتسىيەنىڭ ھەرقايسى شەھەرلىرىدە ساقچىلارنىڭ قوغدىشى ئاستىدا قۇرئان كۆيدۈرۈش ئارقىلىق ئىغۋاگەرچىلىك قىلىشنى داۋاملاشتۇرغان. بولۇپمۇ ئۇ مۇسۇلمانلار توپلاشقان رايونلارنى تاللىغان بولۇپ، ساقچىلار ئۇنىڭ بۇ قىلمىشلىرىغا يول قويغان.
مىكائىل يۈكسەل يەنە ساقچىلارنىڭ مەزكۇر رادىكال ئۇنسۇرنىڭ مۇسۇلمانلارنىڭ كۆز ئالدىدا ئۇلارنىڭ مۇقەددەس كىتابىنى كۆيدۈرۈشىنى سوغۇققانلىق بىلەن كۆرۈشكە چاقىرغانلىقىدىن ھەيران قالغانلىقىنى بايان قىلىپ: «بۇ قانداق ئالجىش؟» دېگەن.
تەييارلىغۇچى: ئابدۇخەبەر رەجەپ