- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
زەيتىنبۇرنۇدا «قېرىنداشلار رىشتىسى» تېمىسىدا ئىپتار بېرىلدى
12-ئاپرېل ئىستانبۇلنىڭ زەيتىنبۇرنۇ رايونىغا جايلاشقان ئېلىت مەرىكە زالىدا «قېرىنداشلار رىشتىسى» تېمىسىدا ئىپتار پائالىيىتى ئۆتكۈزۈلدى.
ئىپتار پائالىيىتىنى شەرقىي تۈركىستان نۇزۇگۇم كۈلتۈر ۋە ئائىلە جەمئىيىتى تەشكىللىگەن بولۇپ، بىر تۈركۈم شەرقىي تۈركىستان تەشكىلاتلىرى ۋە تۈرك تەشكىلاتلىرىنىڭ رەھبەرلىرى، ئاخبارات ئورگانلىرىنىڭ ۋەكىللىرى، جامائەت ئەربابلىرى ۋە ئوقۇغۇچىلاردىن بولۇپ 300 دىن ئارتۇق كىشى ئىشتىراك قىلدى.
نۇزۇگۇم جەمئىيىتى رەئىسى مۇنەۋۋەر ئۆزئۇيغۇر خانىم ئېچىلىش سۆزى قىلىپ، نۇزۇگۇم جەمئىيىتىنىڭ 2013-يىلى قۇرۇلغانلىقىنى، قۇرۇلۇش مەقسەتلىرىدىن بىرىنىڭ خىتاينىڭ شەرقىي تۈركىستاندا ئىجرا قىلىۋاتقان ئىرقىي قىرغىنچىلىق جىنايىتى سەۋەبلىك يېتىم قالغان بالىلارغا ياردەم قىلىش ئىكەنلىكىنى بايان قىلىپ ئۆتتى.
ئارقىدىن شەرقىي تۈركىستان ئۆلىمالار بىرلىكى رەئىسى دوكتور ئاتاۋۇللاھ شاھيار سۆز قىلىپ، شەرقىي تۈركىستان مۇھاجىرلىرىنىڭ كۆپ سانلىقىنى ئىگىلەيدىغان ئۇيغۇر خانىم-قىزلىرى تەشكىللىگەن بۇ پائالىيەتنىڭ ئىسلامىي قېرىنداشلىق نۇقتىسىدىن زور ئەھمىيەتكە ئىگە ئىكەنلىكىنى، قۇرئان كەرىمدە تەكىتلەنگەن ئىسلامىي قېرىنداشلىقنىڭ بارلىق مۇسۇلمانلارنى كۈچلەندۈرىدىغان مۇھىم يول ئىكەنلىكىنى، بولۇپمۇ شەرقىي تۈركىستانلىقلارغا ئوخشاش ۋەتىنىدىن ئايرىلغان، ئېغىر ئەھۋالدا قالغان بىر خەلقنىڭ قېرىنداشلىق رىشتىسىنى كۈچەيتىشتە تېخىمۇ مۇھىم ئەھمىيەتكە ئىگە ئىكەنلىكىنى تەكىتلىدى.
تەييارلىغۇچى: ئابدۇخەبەر رەجەپ