- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
رادىكال ھىندى دىنى مۇرىتلىرى مەسچىتكە ھۇجۇم قىلدى
بىر قىسىم رادىكال ھىندى دىنى مۇرىتلىرى ھىندىستاننىڭ جەنۇبىدىكى بىر مەسچىتكە ۋە ئىچىدە ناماز ئوقۇۋاتقان مۇسۇلمانلارغا ھۇجۇم قىلدى.
ئەلجەزىرە تورىنىڭ 3-ئاپرېلدىكى خەۋىرىدە بىلدۈرۈلۈشىچە، بىر تۈركۈم رادىكال ھىندى مۇرىتلىرى ھىندىستاننىڭ كارناتاكا ئىشتاتىغا جايلاشقان رايشۇر شەھىرىدىكى بىر مەسچىتكە تاش ئېتىپ ھۇجۇم قىلغان. ئەينى ۋاقىتتا ھىندى مۇرىتلىرى بىر دىنىي بايرىمىنى تەبرىكلەۋاتقان بولۇپ، پائالىيەت يېقىن ئەتراپتىكى مەسچىتكە ھۇجۇم قىلىشقا ئايلىنىپ كەتكەن. ھۇجۇم جەريانىدا مەسچىتتە دۇئا-تىلاۋەت قىلىۋاتقان بىر قىسىم مۇسۇلمانلار يارىلانغان.
ئىجتىمائىي ئۇچۇر ۋاسىتىلىرىدا بۇ ھەقتىكى سىنلار تارقالغان بولۇپ، نەچچە ئونلىغان ھىندىلارنىڭ «رەڭدار بايرىمى»نى ئۆتكۈزۈۋاتقانلىقى، تەبرىكلەش پائالىيىتىنىڭ مەسچىت دېرىزىسىگە تاش بىلەن ھۇجۇم قىلىشقا ئايلىنىپ كەتكەنلىكى، رادىكال ھىندى مۇرىتلىرىنىڭ ھۇجۇم جەريانىدا مەسچىت ئەسلىھەلىرىگە بۇزغۇنچىلىق قىلغانلىقى كۆرسىتىلگەن.
كارناتاكا ئىشتاتىدا تۇرۇشلۇق بىر مۇخبىرنىڭ ئېيتىشىچە، ۋەقە يۈز بېرىپ يېرىم سائەتتىن كېيىن ساقچىلار نەق مەيدانغا يېتىپ كەلگەن. ۋەقەدە ئىككى مۇسۇلمانغا تاش تېگىپ يارىلانغان بولۇپ، دوختۇرخانىغا ئېلىپ بېرىلغان.
ھىندىستانلىق مۇسۇلمان پائالىيەتچى تەلھە ھۈسەيىن ھىندىلارنىڭ مەسچىتكە ھۇجۇم قىلىش ۋەقەسى ھەققىدە: «ھىندى رادىكاللىرىنىڭ ھۇجۇم ۋاسىتىلىرى مانا مۇشۇنداق داۋام قىلىۋاتىدۇ. ئۇلار ھەر دائىم ئىغۋاگەرچىلىك ھەرىكەتلىرىنى مۇسۇلمانلارنىڭ دۇئا-تىلاۋەت سورۇنلىرى، ئائىلىسى، دۇكانلىرىغا يېقىن جايدا شاۋقۇن-سۈرەن سېلىش بىلەن باشلايدۇ ۋە پائالىيىتىنى مۇسۇلمانلارغا ھۇجۇم قىلىش بىلەن ئاخىرلاشتۇرىدۇ» دەپ يازغان.
بىر قىسىم پائالىيەتچىلەر تىۋىتتېردا يەنە: «ئۇلارنىڭ بايرىمى كەلگەندە قورقۇپ كېتىمەن. چۈنكى ھىندىلار ھەر دائىم مۇسۇلمانلار ئولتۇراقلاشقان رايونلارغا بېرىپ يىغىلىش قىلىدۇ. مۇسۇلمانلارغا ھۇجۇم قىلمىسا، ئۇلار بايرىمىدىن ھۇزۇر ئالالمايدۇ» دېگەندەك ئىنكاسلارنى يېزىشقان.
تەييارلىغۇچى: ئابدۇخەبەر رەجەپ