- چوڭ ھەجىملىك ئەسەر «تەپسىر جەۋھەرلىرى» نەشردىن چىقتى
- خىتاي ئۈرۈمچىدە ئىشغالىيەت تارىخىنى بۇرمىلايدىغان مەخسۇس يىغىن ئۆتكۈزدى
- خىتايدا قانلىق ھۇجۇملار كۆپىيىپ، ئاممىۋى بىخەتەرلىك تەدبىرلىرى جىددىي كۈچەيتىلگەن
- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
ھىندىستان: خىتاي ئەسكەرلىرىنىڭ چېكىنىشى مەسىلىلەرنى ھەل قىلىشنىڭ ئاچقۇچى
ھىندىستان خىتاي تاشقى ئىشلار مىنىستىرىغا خىتاي ئەسكەرلىرىنىڭ چېگرادىن چېكىنىشىنىڭ مەسىلىلەرنى ھەل قىلىشنىڭ ئاچقۇچى ئىكەنلىكىنى ئېيتتى.
رويتېرس ئاگېنتلىقىنىڭ 25-مارتتىكى خەۋىرىدە بىلدۈرۈلۈشىچە، ھىندىستاننىڭ دۆلەت بىخەتەرلىك مەسلىھەتچىسى جۈمە كۈنى ھىندىستاندا زىيارەتتە بولۇۋاتقان خىتاي تاشقى ئىشلار مىنىستىرى ۋاڭ يىغا: «خىتاي ئارمىيەسىنىڭ تالاش-تارتىشتىكى چېگرادىن بالدۇرراق ھەمدە تولۇق چېكىنىشى ئىككى دۆلەت ئوتتۇرىسىدىكى مەسىلىلەرنى ھەل قىلىشنىڭ ئاچقۇچى» دېگەن.
خەۋەردە قەيت قىلىنىشىچە، خىتاي تاشقى ئىشلار مىنىستىرى ۋاڭ يى پەيشەنبە كۈنى كەچتە يېڭى دېھلىغا يېتىپ بارغان بولۇپ، ھىندىستاننىڭ دۆلەت بىخەتەرلىك مەسلىھەتچىسى ئاجىت دوۋال ھەمدە ھىندىستان تاشقى ئىشلار مىنىستىرى سۇبراخمانيام جايشانكار بىلەن كۆرۈشكەن. مەزكۇر ئۇچرىشىش خىتاي بىلەن ھىندىستان تەرەپنىڭ 2020-يىلدىكى چېگرا توقۇنۇشىدىن بۇيانقى تۇنجى قېتىملىق يۇقىرى دەرىجىلىك ئەمەلدارلارنىڭ كۆرۈشۈشى بولۇپ، ۋاڭ يىنىڭ ھىندىستان زىيارىتى خەلقئارا جەمئىيەتنىڭ دىققىتىنى قوزغىغان.
بىرلەشمە ئاگېنتلىقىنىڭ خەۋەر قىلىشىچە، ھەر ئىككى تەرەپ چېگرا ئەمەلىي كونترول لىنىيەسى بويىدا ئونمىڭلىغان ئەسكەر، زەمبىرەك، تانكا ۋە كۈرەشچى ئايروپىلانلارنى ئورۇنلاشتۇرغان بولۇپ، ھىندىستان بىلەن خىتاي بۇلتۇر 2-ئايدىن باشلاپ چېگرانىڭ بىر قىسىم جايلىرىدىن ئەسكەر چېكىندۈرگەن بولسىمۇ، ئەمما چېگرا بويىدىكى ھەربىي خادىملارنى قوشۇمچە ئورۇنلاشتۇرۇشنى داۋام قىلغان. ئىككى يىل داۋامىدا ئىككى تەرەپ 15 قېتىم قوماندان دەرىجىلىك سۆھبەت ئۆتكۈزگەن بولسىمۇ، ئەمما تىركىشىش ئۈزلۈكسىز داۋاملاشماقتا.
تەييارلىغۇچى: ئابدۇخەبەر رەجەپ