- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
شەرقىي تۈركىستان ئۆسمۈرلىرى تۈرك دۇنياسى پائالىيىتىگە قاتناشتى
24-مارت كۈنى ئىستانبۇل بەيكوز رايۇنىدىكى كامالەتتىن تۇغچۇ باشلانغۇچ ۋە ئوتتۇرا مەكتىۋى تەرىپىدىن ئورۇنلاشتۇرۇلغان تۈرك دۇنياسى پروگراممىسىغا ئۇيغۇر ئۆسمۈرلەر قاتناشتى ۋە ساما ئۇسسۇلى ئويناپ تاماشىبىنلارغا شەرقىي تۈركىستاننى تونۇشتۇردى. ئۇندىن باشقا يەنە شەرقىي تۈركىستانغا ئائىت مەدەنىيەت بويۇملىرى كۆرگەزمە قىلىندى.
بۇ پائالىيەت ھەرقايسى مەكتەپلەردە تۈركلەرنىڭ تارىخى ۋە ئۆرپ- ئادەتلىرىنى تونۇشتۇرۇشنى مەقسەت قىلغان بولۇپ، پائالىيەتكە شەرقىي تۈركىستان نۇزۇگۇم كۈلتۈر ۋە ئائىلە جەمئىيىتى خەلقئارا شەرقىي تۈركىستان تەشكىلاتلار بىرلىكىگە ۋاكالەتەن ئىشتراك قىلدى. پائالىيەتكە بەيكوز رايۇنلۇق ھۆكۈمەت، مائارىپ ئىدارىسى ۋە باشقا مەكتەپلەردىن كەلگەن رەھبەرلەر ھەمدە نۇرغۇن ئوقۇغۇچى ۋە ئاتا-ئانىلار ئىشتراك قىلدى.
پائالىيەتتە تاڭنۇرى تەربىيەلەش مەركىزىنىڭ 10 نەپەر ئوقۇغۇچىسى كەڭ تاماشىبىنلارغا ئۇيغۇرلارنىڭ ساما ئۇسسۇلىنى ئوينىدى ۋە ئارقىدىن شەرقىي تۈركىستاننىڭ ئاي يۇلتۇزلۇق كۆك بايرىقىنى چىقىرىپ شەرقىي تۈركىستاننى تونۇشتۇردى.
ئۇندىن باشقا مەيدانغا يەنە شەرقىي تۈركىستان مەدەنىيىتىنى كۆرگەزمە قىلىش ئورنى ئېچىلدى. كۆرگەزمىگە ھەر خىل ئۇيغۇر مەدەنىيەت بويۇملىرى، تونۇر نېنى، ساڭزا، ناۋات قاتارلىق يېمەك -ئىچمەك مەدەنىيىتىمىزنىڭ نامايەندىلىرى تىزىلدى. پائالىيەتتە ئوقياچىلىق گۇرۇپپسى، تۆمۈر تاۋلاش گۇرۇپپىسى، مىللىي ئويۇنلار گۇرۇپپىسى قاتارلىق گۇرۇپپىلار ماھارەت كۆرسەتتى. گۇرۇپپىلار كۆرسەتكەن نومۇلار تاماشىبىنلارنىڭ دىققىتىنى تارتتى.
شەرقىي تۈركىستان نۇزۇگۇم جەمئىيىتى رەئىسى مۇنەۋۋەر ئۆزئۇيغۇر خانىم پروگراممىنىڭ بېشىدا پروگراممىغا قاتناشقۇچىلارنىڭ شەرقىي تۈركىستاننىڭ نۆۋەتتىكى ۋەزىيەت ئەھۋالى ھەققىدە سورىغان سۇئاللىرىغا جاۋاپ بېرىپ: شەرقىي تۈركستاننىڭ نۆۋەتتىكى ئېچىنىشلىق ۋەزىيىتىدىن باشقا يەنە يەر كۆلىمى، قوشنا دۆلەتلەر، شەرقىي تۈركىستان خەلقىنىڭ ئۆرپ- ئادەتلىرى ھەمدە ئۇلارنىڭ تۈرك ئىرقىدىن ئىكەنكلىكىنى مەزمۇنلۇق قىلىپ تونۇشتۇردى.
تەييارلىغۇچى: ئابدۇخەبەر رەجەپ