- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
شەرقىي تۈركىستاننىڭ بىر قىسىم جايلىرىدا يەر تەۋرىدى
17-مارت شەرقىي تۈركىستاننىڭ بىر قانچە ۋىلايەتلىرىدە يەر تەۋرىگەن بولۇپ، بۇنىڭ ئىچىدە گۇما ناھىيەسىدە 5.2 بال يەر تەۋرىگەن.
خىتاي يەر تەۋرەشنى كۆزىتىش ئىستانسىسىنىڭ رەسمىي ئۆلچەپ بېكىتىشىچە، 17-مارت سائەت 21 دىن 41 مىنۇت ئۆتكەندە خوتەن ۋىلايىتىنىڭ گۇما ناھىيەسىدە (شىمالىي كەڭلىك 36.10 گىرادۇس، شەرقىي ئۇزۇنلۇق 77.86 گىرادۇس) 5.2 بال يەر تەۋرىگەن.
بىلدۈرۈلۈشىچە، تەۋرەش مەنبەسىنىڭ چوڭقۇرلۇقى 10 كىلومېتىرغا يەتكەن بولۇپ، خىتاي ئاخبارات ۋاسىتىلىرى يەر تەۋرەش مەركىزىنىڭ 20 كىلومېتىر دائىرىسىدە نوپۇسنىڭ ئىنتايىن ئاز ئىكەنلىكىنى ئېلان قىلغان. خىتاي دائىرىلىرى قۇتقۇزۇش خادىملىرىنى ئاپەت رايونىغا ئەۋەتكەنلىكىنى بىلدۈرگەن بولسىمۇ، ئەمما ئۆلۈم-يېتىم ۋە زىيانغا ئۇچراش ئەھۋالى ھەققىدە ھېچقانداق مەلۇمات بەرمىگەن.
18-مارت خىتاي يەر تەۋرەشنى تەكشۈرۈش ئىستانسىسىنىڭ سانلىق مەلۇماتلىرىغا قارىغاندا، 48 سائەت ئىچىدە شەرقىي تۈركىستاننىڭ ھەر قايسى رايونلاردا جەمئىي ئالتە قېتىم يەر تەۋرىگەن بولۇپ، خوتەن ۋىلايىتى گۇما ناھىيەسىدە تۆت قېتىم، ئاقسۇنىڭ شايار ناھىيەسىدە بىر قېتىم، قەشقەر ۋىلايىتى قاغىلىق ناھىيەسىدە بىر قېتىم يەر تەۋرىگەن.
تەييارلىغۇچى: ئابدۇخەبەر رەجەپ