- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
تۈركىيەنىڭ بىر قىسىم رايونلىرىدا شەرقىي تۈركىستان مەسىلىسى تونۇشتۇرۇلدى
تۈركىيەنىڭ باتمان ۋە بالىكەسىر ۋىلايەتلىرىدىكى بىر قىسىم ئورگانلاردا شەرقىي تۈركىستاننىڭ نۆۋەتتىكى ۋەزىيىتى تونۇشتۇرۇلدى.
شەرقىي تۈركىستان مائارىپ ۋە ھەمكارلىق جەمئىيىتى باش كاتىپى ئابدۇلئەھەد ئابدۇراھمان، شەرقىي تۈركىستان ئاخبارات ۋە مېدىيا جەمئىيىتى رەئىسى ئابدۇلۋارىس خوتەن، شەرقىي تۈركىستان ئۆلىمالار بىرلىكى باش كاتىپى ئابدۇرازاق ئۇجات، سۇتۇق بۇغراخان ئىلىم ۋە مەدەنىيەت ۋەقفى مۇئاۋىن رەئىسى ئۆمەر قارىھاجىم ۋە شەرقىي تۈركىستان يېڭى نەسىل ھەرىكىتى رەئىسى ئابدۇسالام تەكلىماكان قاتارلىقلاردىن تەشكىللەنگەن خەلقئارا شەرقىي تۈركىستان تەشكىلاتلار بىرلىكى ھەيئىتى 17-مارت تۈركىيەنىڭ بالىكەسىر ۋىلايىتىدىكى زىيارىتى داۋامىدا يەنە ئى ھا ھا ئىنسانىي ياردەم ۋەقفىنىڭ بالىكەسىر شۆبىسىنى زىيارەت قىلىپ، شەرقىي تۈركىستاننىڭ نۆۋەتتىكى ۋەزىيىتى ۋە كۈنتەرتىپتىكى شەرقىي تۈركىستان دەۋاسى ھەققىدە سۆھبەتلەشتى.
ھەيئەت شۇ كۈنى يەنە بالىكەسىر ۋىلايىتى ئالتىئەيلۈل رايونلۇق ھۆكۈمىتىنىڭ يىغىن زالىدا ئوتتۇرا مەكتەپ ئوقۇغۇچىلىرىغا شەرقىي تۈركىستاننىڭ تارىخى، نۆۋەتتىكى ئېغىر ۋەزىيىتى، خىتاينىڭ شەرقىي تۈركىستاندا ئىجرا قىلىۋاتقان ئىرقىي قىرغىنچىلىق جىنايىتىنى تونۇشتۇردى.
شەرقىي تۈركىستان نۇزۇگۇم كۈلتۈر ۋە ئائىلە جەمئىيىتىنىڭ رەئىسى مۇنەۋۋەر ئۆزئۇيغۇر خانىممۇ 17-مارت تۈركىيەنىڭ باتمان ۋىلايىتىدە ئى ھا ھا ئىنسانىي ياردەم ۋەقفىنىڭ باتمان شۆبىسى ئاياللار بۆلۈمى تەشكىللىگەن شەرقىي تۈركىستان ھەققىدىكى يىغىنغا تەكلىپ بىلەن قاتناشتى. ئۇ يىغىندا شەرقىي تۈركىستاننىڭ تارىخى، جۇغراپىيەلىك ئەھۋالى، بايلىقلىرى، خىتاينىڭ نۆۋەتتە ئىجرا قىلىۋاتقان ئىرقىي قىرغىنچىلىق جىنايىتىنى تونۇشتۇرۇپ ئۆتتى.
تەييارلىغۇچى: ئابدۇخەبەر رەجەپ