- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
تەشكىلاتلار بىرلىكىنىڭ خەلق دىپلوماتىيەسى ھەيئىتى ياۋروپادا زىيارەتتە بولماقتا
خەلقئارا شەرقىي تۈركىستان تەشكىلاتلار بىرلىكىنىڭ خەلق دىپلوماتىيەسى ھەيئىتى ئىككىنچى قېتىملىق ياۋروپا زىيارىتىنى باشلىغان بولۇپ، 7-فېۋرال گېرمانىيەدە مىللىي گۆرۈش تەشكىلاتى مەسئۇللىرى بىلەن كۆرۈشتى.
ھەيئەت گوللاندىيە شەرقىي تۈركىستان ۋەقفى رەئىسى ئابدۇراھمان ئابدۇللاھ، شەرقىي تۈركىستان ئۆلىمالار بىرلىكى ئەزاسى ئۇستاز نىزامىدىن تەمكىنىي، خەلقئارا شەرقىي تۈركىستان تەشكىلاتلار بىرلىكىنىڭ كاتىپى ئابدۇرېشىت ئەمىن قاتارلىقلاردىن تەشكىللەندى.
ھەيئەت 7-فېۋرال گېرمانىيەدە پائالىيەت قىلىۋاتقان ئىسلام جامائىتى مىللىي گۆرۈش تەشكىلاتى ياشلار تارمىقىنىڭ رەئىسى فۇرقان قەھرىمان ئەپەندى بىلەن كۆلىندىكى باش مەركىزىدە كۆرۈشتى. كۆرۈشۈشتە شەرقىي تۈركىستان دەۋاسىدا ھەمكارلىشىپ خىزمەت قىلىش مەسىلىسى مۇزاكىرە قىلىندى.
ھەيئەت شۇ كۈنى يەنە مىللىي گۆرۈش تەشكىلاتىنىڭ مۇئاۋىن رەئىسى مۇرات ئىلەرى ئەپەندىنى ئۆز ئىچىگە ئالغان كۆپلىگەن مەسئۇللىرى بىلەن كۆرۈشۈپ، شەرقىي تۈركىستان دەۋاسىنىڭ تەرەققىياتى ۋە كەلگۈسىدىكى خىزمەتلەر ھەققىدە سۆھبەت ئۆتكۈزدى.
خەلق دىپلوماتىيەسى ھەيئىتى يەنە پىلانى بويىچە گېرمانىيەدە باشقا ئۇچرىشىشلاردا بولماقتا.
تەييارلىغۇچى: ئابدۇخەبەر رەجەپ