- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
گوللاندىيەدە 5-فېۋرال غۇلجا قەتلىئامى خاتىرىلەندى
گوللاندىيەدە ياشاۋاتقان ئۇيغۇرلار 5-فېۋرال ئامستېردامدىكى دام مەيدانىدا غۇلجا قىرغىنچىلىقىنى خاتىرىلەپ، بېيجىڭ قىشلىق ئولىمپىك مۇسابىقىسىنى بايقۇت قىلىشقا چاقىرىق قىلىش نامايىشى ئۆتكۈزدى.
نامايىشنى گوللاندىيە شەرقىي تۈركىستان تەشكىلاتلار ئىتتىپاقى ئورۇنلاشتۇرغان بولۇپ، 100 دىن ئارتۇق كىشى ئىشتىراك قىلدى. مەزكۇر نامايىش خىتاي ئىشغالىيەتچى رېجىمىنىڭ 1997-يىلى 5-فېۋرال شەرقىي تۈركىستاننىڭ غۇلجا شەھىرىدە سادىر قىلغان قەتلىئامنىڭ 25 يىللىقىنى خاتىرىلەش ھەمدە 2022-يىللىق بېيجىڭ قىشلىق ئولىمپىك تەنھەرىكەت مۇسابىقىسىنى بايقۇت قىلىش مەقسىتىدە ئۆتكۈزۈلگەن.
نامايىشچىلار خىتايدا ئۆتكۈزۈلۈۋاتقان قىشلىق ئولىمپىك مۇسابىقىسى «ئىرقىي قىرغىنچىلىق ئولىمپىكىدۇر» دېگەننى ئىپادىلەش ئۈچۈن، لاگېردىكى تۇتقۇنلار ۋە ئولىمپىك بەلگىسى چۈشۈرۈلگەن پىلاكاتنى كۆتۈرۈپ، «خىتاي شەرقىي تۈركىستاندىن چىقىپ كەت»، «خىتاي تېررور رېجىمى»، «بېيجىڭ ئولىمپىكىنى بايقۇت قىلايلى» دېگەن شوئارلارنى توۋلاشتى.
نامايىشتا 25 يىل بۇرۇنقى غۇلجا قەتلىئامى ئەسلەپ ئۆتۈلۈپ، خىتاينىڭ بۇ ۋەھشىيانە جىنايىتىنى ئۇنتۇپ قالماسلىق تەكىتلەنگەندىن سىرت، ئېلان قىلىنغان باياناتتا خەلقئارا جەمئىيەت خىتايدا داۋاملىشىۋاتقان 2022-يىللىق بېيجىڭ قىشلىق ئولىمپىك تەنھەرىكەت مۇسابىقىسىنى بايقۇت قىلىشقا چاقىرىق قىلىندى.
تەييارلىغۇچى: ئابدۇخەبەر رەجەپ